壹食就醉

营业中

休息中

食间餐厅系喺一住大厦既一楼，大厦楼下有个姐姐会帮你开闸，上到去一楼门口入去后右边系一个厅，有两张大枱同三张细枱，左边走廊尽头就系厨房。依度可以打边炉或者叫小菜，今次我就叫咗三样小菜。小菜制作需时，幸好依到有两部电视可供观赏。第一味系椒盐鲜鱿，鱿鱼非常新鲜有弹性，火喉准确，唔似啲酒楼咁炸到过哂火。第二味菜系黄金虾，我系第一次食黄金虾，系用咸蛋黄包住啲虾再炸既。一食之下觉得真系好特别，咸蛋黄味道浓郁，虾肉新鲜结实，好味！暴后黎既系奇妙鸡煲，因为佢系唔辣既，唔食辣既人都啱食。啲鸡就好入味，个汁浓味之余味道又丰富，鸡肉唔太肥，依只鸡肉质实净，好啱我食。