山旮旯 (已結業)

呢间餐厅个名好得意，成日响‪香港仔隧道‬坐车出铜锣湾都见到佢，但就一路都未去朝圣皆因佢实在系有啲隔涉，不枉佢个名叫山旮旯。有日下午茶时间响铜锣湾，未食晏昼但又有排先到夜晚，终于的起心肝行过去试一试。其实都唔算太远，时代广场过去唔使15分钟就到，一去到发觉。。包场！！果然系山旮旯！餐厅装修好得意，几有香港特色，亦都有手工啤酒，但我地要留肚食晚饭，所以净系叫tea set就算喇。另一半叫左个火腿牛角包，自己就叫左个烟肉蛋热香饼，点知超大份。。仲谂住留肚，爆肚都有份。味算不过不失，唔算有惊喜，下次有机会嚟happy hour再试下佢啲酒。