山旮旯 (已結業)

放假同朋友去铜锣湾行街，想揾个地方坐下倾下计。之前搭车经过见到间餐厅个名叫山旮旯都好想试下。其实一路行街都一路饮饮食食，都唔系好肚饿，所以入到去只系叫左少少野食。烧烤combo 少林寺，有原只茄子皇，焗波特菇，菠萝，秋葵，baby 紫薯。全部都系蔬菜，叫做少林寺真系好贴切😂老干妈一口和牛粒炒意粉，朋友唔食得太辣，但系又好想试，就问下店员可唔可以少辣啦，点知佢话唔辣架...但系老干妈我印象中都系辣架嘛～但店员都咁讲咪试下啰。食落去系好香好惹味既，和牛粒都唔会干，有肉汁，不过点食都系辣既😵😵饮品我地睇到cocktail 个版，就被佢d名吸引，全部都好抵死好特别😂最后我地拣左啪啪啪（gin , grapefruit juice, tonic) 酸酸地易入口，再加埋杯边有爆炸糖，饮落去真系啪啪声😂同个陪衬到绝。 见到menu仲有好多唔同款式既菜式，下次多d人再嚟试过