荔園﹒流金歲月 (已結業)

荔枝角D2 Place 二期嘅"荔园" 餐厅晏昼。无影到门口正面照，但系内里系好有心思的装修，想呈现到好似系乐园度。卡位、四人枱座位都特登扮返啲游戏座位咁。好明显系亲子餐厅嚟打卡啦!仲有夹公仔机、掉银仔，可以即场玩。一路食都有啲附近放饭嘅朋友离场顺利掟下银仔。坐近面档𠮶边，扮到似旧式面档、排档咁，好欣赏啲木餐枱椅。讲返正题，餐厅系中式点心+ 茶记+ 面档。颓食叫咗食个午巿套餐，都有好几款拣，点咗口水鸡白饭。因为唔知份量所以唔敢再散叫其他嘢食。配咗个紫菜蛋花汤，稀稠度适中，饮得出系滚汤但系足料唔系得水，觉得偏甜，有葱花。如果有朋友好憎嘅，记得问清楚走葱花。口水鸡，例牌份量都够大份啊，望落唔系红色辣椒油浸浸。嗜辣嘅朋友绝对唔啱食呢味，因为实际上系唔辣，主要靠肉碎嘅麻味吊住，但又唔够香口。，啱好系鸡胸腔位置，整只鸡已经充满油份，走完皮都仲系油冧冧，鸡肉入口唔鞋口，咬落都嫩滑。至于碗饭系一般一大碗，如果细食女仔，记得系少饭/ 半饭。虽然侍应哥哥姐姐可能会唔记得。加分位系杯荞麦茶，淡淡地、可以去油腻感。