影片
更多
2017-10-07
1817 浏览
果日一行10人，因为旧同学生日，成班老友难得一聚，梗系要揾个好地方食餐好，其实每次老友聚会揾地方食饭都系由我呢个公认食神黎决定，不过今次生日果位话上次去过一间好好食，好正宗，又隐世既韩国菜，叫我地一家要去试一下。心谂：「又好﹗今次又比你话下事，吾好食系就知味道。」讲真，吾系有朋友带都吾会特登走入去工厂大厦揾食，不过之前透过open rice都睇过好多观塘区既工厦餐厅既报导，今次有机会入到工厦揾食，的确系一个吾错既饮食体验，癈话少说，一于带大家直入主题。首先一入到去地方整齐企理，虽然无豪华既装修不过干净光猛就已经吾错，以前成日去开出面D韩国餐厅，D灯光昏昏暗暗咁，食到一半都想训著。Zzz….成班友仔一坐底，个个都拿住个餐牌研究一番，好似样样都好正咁，样样都想试，吾知点好，唯有问下个店员有咩好推介，服务态度都尚算良好，佢推介左两个套餐比我地，一个系套餐海鲜锅，另一个系韩国拼盘套餐。我无问题，不过我比人叫得做食神，梗系要点番两样了能野先显得我识食架﹗我系餐牌上面见到个酱油蟹套餐，二话不说又点埋。其中我地有几个大男人话：「10个人食三个餐够吾够呀？」心谂又系㖞，所以再追加个韩式炆猪手，点知……
讲真，吾系有朋友带都吾会特登走入去工厂大厦揾食，不过之前透过open rice都睇过好多观塘区既工厦餐厅既报导，今次有机会入到工厦揾食，的确系一个吾错既饮食体验，癈话少说，一于带大家直入主题。首先一入到去地方整齐企理，虽然无豪华既装修不过干净光猛就已经吾错，以前成日去开出面D韩国餐厅，D灯光昏昏暗暗咁，食到一半都想训著。Zzz….
成班友仔一坐底，个个都拿住个餐牌研究一番，好似样样都好正咁，样样都想试，吾知点好，唯有问下个店员有咩好推介，服务态度都尚算良好，佢推介左两个套餐比我地，一个系套餐海鲜锅，另一个系韩国拼盘套餐。我无问题，不过我比人叫得做食神，梗系要点番两样了能野先显得我识食架﹗我系餐牌上面见到个酱油蟹套餐，二话不说又点埋。其中我地有几个大男人话：「10个人食三个餐够吾够呀？」心谂又系㖞，所以再追加个韩式炆猪手，点知…….
配菜全部都系免费﹗配菜全部都系免费﹗配菜全部都系免费﹗
食韩国菜有配菜食我地都预左，但系我地无谂过系咁大堆头同咁多款式﹗虽然好几款都系大路野，不过有两款不得不提既系蛋角同自家制既生腌泡菜﹗店员推介话系老板每日新鲜腌制，果不其然，呢个泡菜的确系比平时系街食到既多一份蔬菜既清爽﹗而蛋卷蛋味香浓，好有返左屋企食饭既感觉。细问之下先知道原来呢间餐厅系家庭式经营，所以绝对会觉得好似去左韩国人屋企食饭既感觉。
讲真，酱油蟹好多地方都有得食，只要材料新鲜，味道吾会差太远，每间做法同口味其实都系掌握系个豉油同糖既比例度，一入口，对板﹗系呢个味，吾会死咸，仲可以食到蟹糕既甘香，人黎，白饭侍候。白饭吾驶多，一人几匙捞下个蟹糕，人生一乐也﹗个餐里面其实仲有虾同鲍鱼不过我挂住叹蟹比班友仔食哂，我只系知道佢地话：「好味，好味，好鲜。」咁。
呢个锅份量惊人﹗基本上你谂得到既海鲜都有，虽然食海鲜我始终系觉得都系我地广东式蒸法系会最好食既，新鲜既野用最简单既煮法就已经好好食，不过我黎在韩国餐厅，当然要用番韩式食法，如果吾系要就番其他朋友，我觉得再辣番少少会更惹味。
呢个韩烧拼盘个份量都可以叫做交足功课，大大份﹗本来我谂住自己烧显下功架，谁不知个店员好新切，主动走埋黎帮我地烧，睇见佢熟练既手势，我谂佢晚晚都做开呢个动作，仲好，可以等我专心D同班老友吹下水，个店员烧完仲帮我地剪埋，临走前仲叫我地一定要夹埋付送既野菜一齐食。有时一间餐厅既野就算再好食，都要配合埋优质既服务先可以相得益章。
吾好话叫你食，我写到黎呢度都有D手软既感觉，头先个几个大大声话好擦得既朋友都已经O哂嘴，好后悔头先无听个店员讲叫两个餐就算，大家都系一人食左一旧度就算。正当大家都差吾多准备埋单既时候，个韩国事头婆忽然走埋黎，叽呢咕噜咁吾知讲咩，跟手个店员笑笑口咁走埋黎帮我地做翻译，原来个事头婆系话叫我地食埋D野先好走，吾好浪费食物。哈哈，忽然好似番左屋企食饭咁，比阿妈闹左几句咁，比人一种好有家既感觉。不过我地最后都系要打包，因为实在太饱食吾落。
总结：整体用餐感觉良好，真心似去左韩国朋友屋企食饭咁。Like左佢地既Facebook会有汽水送。唯独装修普通，而且位置比较难揾。
海鲜锅套餐
110 浏览
0 赞好
0 留言
韩烧拼盘套餐
89 浏览
0 赞好
0 留言
韩式炆猪手
$300
98 浏览
0 赞好
0 留言
前菜
74 浏览
0 赞好
0 留言
酱油蟹
$600
210 浏览
0 赞好
0 留言
张贴
