快船廊

营业中

休息中

我半百岁人，庆祝结婚周年纪念，于文华12/9/2024快船廊第一次自助晚餐（亦是最后一次），未食过一间食物质素味道咁差，种类又少，嘅自助餐。概括讲整体过程感觉，一开始攞冻海鲜，蚝🦪身属中型，蚝肉好似蚝仔咁细但系劲瘦劲削（蚝仔饼啲蚝饱满好多）。长脚蟹属于细身形味道太咸，肉松散又黐壳，无一可取。面包蟹、鲍鱼、翡翠螺正常👍🏼，龙虾我冇攞，但见到冻柜大量放喺度冇人攞，可推测知质素如何😪。跟住取其他食物继续试，攞咗碗蟹肉羹，哗！一股死咸味（剩系得个咸味冇其他食物嘅味道）继续冲击我嘅口腔，摆低。沙律、烟三文鱼、各类火腿属正常。甜品要赞，👍🏼尤其芝士cake又滑又cream ＆雪糕雪葩😋。热食炒粉面饭我冇试，小弟个肚quota唔多，拣咗小笼包食咗7粒，算是入得口好吃（通常自助餐蒸笼食物除咗头一转之后随着时间越耐就越干，过火唔好食）。总之一句今期文华快船廊垃圾，究竟好食嘅文华去咗边？😪定抑或系传说？🧐