打邊爐海鮮火鍋燒烤店 (已結業)

冻冻地，最好就系围埋一齐打边边，于是朕就叫埋几个随从一齐去土瓜湾既－打边炉海鲜火锅烧烤店－打边炉喇！一入到门口见到人地打紧个好似几吸引，等朕又试下先！个花甲蟹锅用料充足，啲花甲大大只，数量又多，又鲜甜爽口，加埋两大只花蟹，令到个花甲蟹锅劲鲜甜，另外个汤底除左有花甲同埋蟹之外，仲加左黑胡椒同埋辣椒，令到个汤底有海鲜既鲜味之余，又有胡椒同埋辣椒既香辣，天气冷既时候真系够哂暖胃。另外随从们话想食刺身，朕就叫左个象拔蚌刺身试下啱唔啱胃口，碟刺身一上枱，哗！比朕既龙颜还要大（正所谓大过我块面），刺身有冰垫底，咬落超爽口劲鲜甜！另外牛朕就叫左（本地手切新鲜牛颈脊），牛颈脊是牛颈同埋牛膊头中间既一段肉，这个部位郁动较多，肉质因而细致、结实、肥瘦适中啱哂朕既胃口！另外呢度既白鳝片亦都好新鲜，咬落爽口加鲜味。另外猪脚跟亦都系朕既必然之选，张碟猪脚跟放落去个花甲锅度煲，煲到稔身，猪脚跟索哂啲海鲜同埋糊椒既香味，一流！手打四宝丸用料新鲜，入口爽口弹牙，弹到㕷㕷声！最后随从们提议冻冻地不如食个煲仔饭，于是乎朕就点左个《招牌腊味煲仔饭》。啲腊味既精华落哂啲饭度，啲饭吸收哂啲油香，另外再加啲葱花搅混，真系识食既就