影片
以上资料只供参考，请与餐厅确认详情
相关文章
最近有親友從東南亞回港，約他晚膳時想起東南亞天氣熱，應比較少吃火鍋，見到眾多食友介紹這家火鍋店，且地點便利大家，於是一試。可能是平日晚上關係，客人不多。食物價錢比其他地區便宜一截。湯底點了簡單的瑤柱冬瓜豆腐，足料簡單而清甜，可突出食材味道。這碟安格斯肥牛驚為天人!色澤鮮紅，脂肪分佈平均但不會過肥。煮熟後肉味濃郁，質地軟腍，十分對口味。二十多塊高質牛肉只索價168元，比起很多城中火鍋名店有良心得多。另外亦叫了半碟羊肉，薄薄一片片入口嫩滑，加上適度的羊味，質素不錯。十分喜歡可叫半碟的安排，可讓客人多吃不同款式食物。這裏的海鮮亦十分不錯。白鱔片爽口彈牙，魚皮充滿油脂香。海蝦上桌時腳還在動，絕對新鮮。吃起來果然結實彈牙，蝦有蝦味。雙滑分別是蝦和墨魚。打至起膠，都是新鮮彈牙，不會有太多調味，鮮味突出，讚！此外蔬菜丸類都不錯。4人埋單大約$1150，比起很多其他火鍋店動輒400元一位實惠得多，值得一再光顧。
继续阅读
天氣keep住咁凍，而收工又特別晏無時間去街市買菜煮飯，同同事收工就隨意去到呢間叫打邊爐既鋪頭打邊爐因時間尚早，人不多，我地就先點了胡椒豬肚雞作為湯底半隻雞件蠻算多，而胡椒那種辣味也剛剛好，作為保身暖胃很不錯之後我地已經急不及待叫配料黎打邊爐呢度既manu很特別，就直接用marker係點菜紙上畫，又可重覆用十分環保黑豚肉唔知點解有時食火鍋點既豬肉都會鞋口，但呢度就冇呢個問題，而且沒有豬既騷味水餃大大粒好新鮮，蝦也十分彈牙響鈴脆脆的響鈴，只浸三秒，索左汁十分惹味，正唐生菜清清地，食左咁多肉類，食下纖維去下油膩
继续阅读
有親友從外地回港探親，想食香港風味食物，見天氣乍暖還寒，打邊爐最適合不過。之前去過土瓜灣的火鍋店水準不錯，便帶他們前去。由於親友怕辣，麻辣沙嗲等湯底都不作考慮，最後點了瑤柱冬瓜豆腐湯。整個鍋都放滿食材，足料。打邊爐食牛肉是常識吧，美國安格斯肥牛是必點，牛肉新鮮，厚度適中，多肉帶適量肥膏，肉味香濃而且份量多，只需168元，這個價錢真的超值。手打四寶有牛肉丸、蝦丸、墨魚丸及鯪魚丸。牛肉丸打得鬆化，蝦丸及墨魚丸很彈牙，鯪魚味香，一點也不腥，一次過滿足4個願望。蝦端上時還在動，煮熟後蝦肉結實，有鮮味。珊瑚蚌又大隻又爽口蔬菜類食物，菜心苗清甜，淮山爽脆。填飽肚之選，紅薯粉吸收了湯底的精華，煙韌兼入味 。與親友邊歎美食邊聊天，又食肥牛又食海鮮，食材新鮮，平均每人都是2百多元，今時今日出外打邊爐的確很抵，盡興而歸。
继续阅读
近日天氣轉冷，忽然間好想食火鍋，所以今晚就約左朋友去食火鍋。朋友仔提意去佢平時食開既火鍋店，所以我地就去左依度食。地方比我想像中寛敞，位與位之間有距離，傾計既內容唔驚比隔離聽到。而且依度有電視，可以一邊食一邊睇，抵讚！依度有得揀雞煲、重慶烤魚同普通火鍋。我地就揀左沙爹鴛鴦湯底，朋友仔想食四川麻辣湯底，所以就問店員可唔可以一邊沙爹一邊麻辣，店員就即刻話可以，真係好好！火鍋配料亦有好多選擇，而且仲可以揀半份同全份既份量，咁就可以試唔同款式既配料都可以試D。醬油方面，分別有辣椒、生蒜、蔥粒同豉油，依四樣野簡直係醬油四寶。鴛鴦湯底：沙爹湯底有微微既甜味同辣味。而四川麻辣湯底好麻辣，而且好開胃添，即刻醒晨晒。美國安格斯肥牛（大）：肥牛既脂肪比例好均勻，而且切得好薄身，肥牛牛味好濃，而且好軟熟，正！韮菜餃（半碟）：將韮菜餃放入麻辣湯底入面，韮菜索滿左麻辣既味道，個湯底帶出左韮菜同豬肉既味通，而且餃子皮好薄添。手打四寶丸（半碟）：入面分別有牛肉丸、鯪魚肉丸、蝦丸、墨魚丸。手打丸打得非常彈牙，各種丸索滿左湯底既味道。牛肉丸牛味非常濃、鯪魚肉丸一d都唔腥、蝦丸好有蝦既鮮味、墨魚丸墨魚味好重。整體上手打丸都幾出色。鮮准山：准山放入湯底一齊滾，准山已索滿左湯底既精華，完全唔洗點醬汁，准山仲好爽口添。茼萵菜：平時食火鍋我必食就係茼萵菜，今次亦唔例外。茼萵菜非常新鮮，就算滾耐左，口感仲係好爽脆，正！
继续阅读
讀書時，常跟同學們假日出外遊玩，一大班人有停不了的熱鬧氣氛，我們每次遊玩完後都會大伙兒一齊去吃晚餐，必定會選任吃火鍋，因為當時零用錢不多且沒出來工作，所以選些可吃飽肚的東西。到現在出來工作，嘗試食物種類多了，對食物自然有要求了，所以吃火鍋也會選散點的火鍋店，質素相比任食的更高。今晚跟大伙兒一齊去這裡吃火鍋暢談一番店內雖然不是華麗裝修，是菜館格局，但卻多份街坊般的親切感除了火鍋外，還有烤魚、雞煲的鍋選擇，但我們選了普通湯底相拼沙嗲鴛鴦鍋，沙嗲湯底味道比想像中濃，只是放普通火鍋配料滾熟已非常入味，不用沾醬油吃也有很香的沙嗲味<<黑豚肉>>所有配料都有半碟和一碟的份量，豚肉點了一碟份量，光看脂肪分佈非常平均，肉質色澤鮮粉色，入口新鮮啖啖肉，質感完全不韌且有咬勁<<牛柏葉、廣島蠔各半碟>>牛柏葉口感爽脆，灼一會就可吃，吸了湯底精華，味道濃郁，廣島蠔灼的時間較長，但不會縮小了，吃起來重鮮蠔味，爽嫩兩重口感<<午餐肉半碟>>火鍋必定點午餐肉是常識吧，厚薄切得適中，而且灼數分鐘就可吃，軟熟口感，特別香<<手打四寶丸半碟>>當中是牛肉丸、鯪魚肉丸、蝦丸和墨魚丸，全是手打製成，口感爽滑彈牙，每種肉丸味道濃郁，手打丸挺出色<<蓮藕片半碟>>質感脆身可口，咬一口拉出蓮藕絲，以口感清脆取勝<<招牌臘味煲仔飯-細>>這裡有名的臘味煲仔飯好像挺有名，所以點了一鍋小的嚐嚐，一打開鍋蓋已看見臘味鋪在飯上，飯已吸收所有臘味的原有味道，香氣撲鼻店員把臘味先另放碟上，再加入大量蔥和醬油拌匀然後幫我們分好每碗位上，吃起來相當香，香蔥跟醬油飯一口吃完全是絕配，飯粒口感適中，粒粒分明，非常推介整體而言，配料質素不錯，半碟份量並不少，價錢合理，合適多人聚會選擇之一，看見隔壁桌的客人都點烤魚和雞煲，下次一定要再來嚐一嚐
继续阅读