CoCo壹番屋 (皇室堡)

营业中

休息中

大少话哩间日本咖哩，佢成日食，我话冇食过，但亦唔觉得会好食...自问小妹都去过日本同香港嘅日本料理嘅学校学煮日本咖喱, 我终于决定去挑机.....入到铺头，都唔系好多人，我哋坐情侣雅座。大少点咗吉列猪扒（2分辛），我点咗汉堡扒(标准辛)同埋改咗食15谷米。大少块吉列猪好脆，无油渍味亦唔干身，无返炸再返炸嘅感觉。虽然唔系厚切，以咁嘅价钱，绝对接受到。我块汉堡扒, 食到有猪肉肥根亦有洋葱，应该系用日本人传统汉堡扒方法去做，用免治猪加免治牛再加洋葱，当然我唔知有无跟足3/7黄金比例去做吖。个扒唔干，咬落亦无散，真系食到有日本风味嘅汉堡扒。讲返个咖喱汁，其实同用S&B咖喱砖煮嘅冇乜分别,不过响张枱度有一支蜜糖俾你加上去。用蜜糖加上去咖喱汁系日本妈妈嘅传统方法、所以我觉得佢好窝心，有跟足传统。用咁嘅价钱食到日本传统咖哩，我觉得呢一间系性价比高嘅餐厅。