嘉樂冰廳 (新村街)

营业中

休息中

因为要准备中秋节嘅𩠌菜，所以去咗最齐全嘅杨屋道街市买𩠌，顺路带屋企人去食怀旧冰室。我哋三个大人叫咗两份主食，两份小食，但其实哩间冰室所有食物份量都大得似主食，基本上我哋样样都有食剩。哩间冰室以蛋类食品为名，所以必点经典火腿奄列，值得一赞有蛋白奄列可以点，确实可以方便有特别食物需要嘅人仕，另外都点咗咸牛肉蛋三文治。之后怕唔够食，仲叫咗两个面食，因为见到好多枱都食猪手，所以都叫咗个猪手米同猪扒捞面，因为经常觉得猪扒要好食，所以要用猪扒试吓佢功力，猪扒算香脆，无话腌过龙。总括食物质素不过不失，对得住价钱，以食物品种来讲都算特别和新派，地方来说，内里保留咗怀旧装修，都系值得来的原因。