億饍 (已結業)

今日收工过咗去旺角买嘢，之后就喺附近揾嘢食，见到路旁有块黑板，写住有东南亚嘢食。天时暑热，一于食啲酸酸辣辣嘅嘢，会比较开胃啲。上到去发现餐厅好新净，虽然楼下系商业大厦咁嘅门面，但上到来都几热閙。呢度果然系餐厅同酒吧融合于一身，开放式嘅水吧放满酒杯同埋酒。刚刚行街行到身水身汗，即刻叫个冰凉嘅椰青解下渴！冰涷嘅椰清水好香，带少少甜味，饮几啖即刻舒服晒好！睇下食乜先，呢度的食物选择超级多，有泰国嘢、有炖汤、有海鲜、有越式粉面等等，真系花多眼乱啊（其实可以食套餐，好扺食，不过我哋硬系又觉得唔系好啱食）谂咗一轮，我哋今晚决定食泰国嘢！先黎个生虾刺身，一份有八只，每只都好大只，虾肉新鲜，爽口弹牙，味道好鲜甜，食得辣嘅话，点埋𠮶啲酸辣汁食真系冇得顶！不过𠮶啲酸辣汁真系几辣，好在有个椰青帮手解辣小食我地点左虾饼，味道唔错，不过如果厚身啲个口感会更加好跟住我哋仲有个香草安格斯牛柳粒：牛柳粒嘅份量好多，牛味都几浓郁，而且味道有少少酸甜，几开胃的。除咗牛柳粒，碟𩠌仲有好多青椒红椒，颜色好丰富，仲好健康主食点左原个菠萝炒饭：个菠萝炒饭卖相好好，餐厅仲提供咗把刀，好似我哋咁钟意食菠萝嘅人，就梗系切多啲菠萝肉捞埋