亞蟹 (已搬遷) 新店位置

今日大少同我又来到坚尼地城，我哋去咗亚虾亚蟹度，但系唔系食鱼虾蟹，而系食海南鸡。大少同我都点咗个海南鸡套餐，再加热嘅牛蒡茶。个套餐跟老火青红萝卜汤。个套餐份量都唔细，大少觉得啲鸡就一般，反而觉得个饭仲好食过啲鸡，因为个饭系鸡油饭。啲鸡有起咗骨，但系冇跟足海南鸡传统做法拍扁佢先至切。可能系咁，所以觉得食紧冇骨嘅白切鸡饭。大少觉得成个海南鸡饭，最重要嘅系啲酱。三色酱有齐晒，我自己就觉得不过不失啦。个老火汤啲味都好足，大少觉得淡左啲，我就觉得啱啱好。