火土燒肉

天公不做美，本来约好晒朋友去露营，点知有雷暴警告，为咗安全起见，我哋约出街食餐饭算数。机缘巧合，竟然揾到呢一间餐厅「露营风餐厅」，入面嘅装修同去露营一样，设备分分钟仲齐全过我哋呢班玩咗两年camp嘅朋友😂我哋一行四人，叫左一个烧肉拼盘($378)及一个猪鸡特选拼盘🥩($348)，确保大家有肉食兼食得饱。好满意餐厅一早腌好晒所有肉类，样样都好惹味，其中豚里脊肉好脆身、豚五花肉够厚身，总括嚟讲都好好食！烧肉期间油烟好少，餐厅门口都好通风，离开餐厅之后，身上面都唔大味！个人特别钟意个清酒煮蚬肉，蚬肉够大又厚肉，清酒经过烧过之后，非常清甜，我哋直头当汤饮添😂另外亦都有一个明太子蟹棒($58)，蟹柳本身好易㶶，所以烧嘅时候注意要反转蟹柳呀！仲有个月见酱烧饭团($38)，饭团边嘅饭焦非常脆卜卜，外脆内软，每个朋友都好钟意食！嚟之前见到网上嘅图片写住雪山冰好快售罄，所以订座𠮶时，我哋已经叫咗个🍧🍵抹茶雪山冰($88)，果然真系好好食，冰块食落去，一啲都唔似冰，粒粒就冰都好甜好juicy‼️最称心满意，就系去完露营烧肉，都唔使执碗碟😂，下次同多几个朋友过嚟，就可以安排晒坐更有露营气氛嘅位置啦😉