食嘢 (已結業)

话说大埔有「食嘢」同「饮嘢」两间食店，属同一个老细，一间主打食嘢，一间主打饮嘢。今日同朋友去试下「食嘢」，因为店内冇位，店员就安排咗我哋去「饮嘢」𠮶边坐。睇睇个menu，中式(咕噜肉)，日式(海胆炒饭)，印度(咖喱) 都有，但佢嘅主打应该系咖喱，所以我哋点咗个咖喱鸡同印度薄饼，仲有沙律菜。饮品就叫咗奶缇玫瑰乌龙同符碌茶。另外再喺「饮野」到点咗个深海拼盘。麻酱沙律，冇乜特别，就系生菜加麻酱。情愿佢用普通碟装，佢用呢个樽装，好难捞酱。咖喱鸡，因为朋友唔食得辣，所以拣咗微辣。另外可以拣原味/芝士/蕃茄/蒜蓉咖喱，我哋拣咗蕃茄咖喱。因为系微辣，所以唔会好辣，但又唔会话冇辣味蕃茄味就唔系好食到。至于鸡就有d"鞋"同硬。印度薄饼，口感几好，唔会太油，个咖喱汁都唔错。深海拼盘，就系平时超市买到嘅炸鱼条，炸蟹拑同埋花枝丸，麻麻地啦。尤其系个炸蟹拑，比平时食到嘅淋身。奶缇玫瑰乌龙，呢到话饮奶缇系有特定嘅方法，我就跟住佢咁饮。奶系厚厚嘅一层，带点咸味嘅，加埋d茶就唔会溜，几好饮。