唯港薈Silverbox 宴會廳

老师结婚请左我地去饮，佢地净系设LUNCH BUFFET，而唔系DINNER。我地一去到已经觉得地方好靓，最重要系好宽，正方形既宴会厅，就算系坐最远果台都唔会令人觉得比人忽略左咁。BUFFET一开始就好多人去攞野食，不过好彩分左三边BAR放野食，分散左人流，都唔系好长条队。野食方面就真系无得弹啦，佢都有好多种类，西色中色都有，个蟹汤好好饮，鲜甜，而且佢比左CREAM你自己加，好滑。不过D DESSERT就争咁左少少，可能因为好多都有酒，而我又唔系几好酒，所以唔系太钟意，不过都睇得出佢地好有心思，有好多新口味，例如桂花配酒等等，如果你系钟意清新既甜品，呢边就可能岩你，因为全部都唔算好甜。而都几中意既就系佢地既前菜有烟三文鱼，平时出面果D都会好咸，但系呢度整到岩岩好D栗米都好甜。