叁不館

营业中

休息中

充满怀旧香港feel嘅火锅店！门口系抢眼嘅霓虹灯招牌，入面仲有旧式戏院售票处、街市档口，有时光倒流嘅感觉呢。同上次一样 店员主动介绍汤底以及各款食材，特别一提嘅系两款自家制嘅酱汁，包括极惹味嘅沙嗲酱，同埋超香口嘅葱蒜油。整体质素高又大份，入秋正是打边炉好时节，gathering 一流。𖦹 胡椒猪肚鸡煲 ＄198𖦹 顶级安格斯牛颈脊 $328𖦹 时令海鲜 $192𖦹 韭菜饺并鱼皮饺 ＄100𖦹 手打五宝丸 $98𖦹 西班牙黑毛猪 ＄138𖦹 新鲜炸响铃 ＄68𖦹 山水豆腐 $38𖦹 蔬菜拼盘 $88𖦹 竹蔗茅根海底椰 $48上次试咗莫生气椰椰鸡，今次试胡椒猪肚鸡，鸡嘅份量又多咗，有一大碟咁多，依然嫩滑呢。牛肉厚薄刚好，油脂分布平均，肉味浓郁；海鲜有蛏子皇同扇贝，非常鲜甜；手打丸有猪肉丸、鲮鱼丸、牛丸、墨鱼丸以及丸合共五款，全部都非常弹牙！豆腐索汤一流，白柏叶爽口，饺子皮薄馅靓，必须推荐新鲜炸响铃，即口即炸，比起平日食嘅更大条更脆！野饮叫咗竹蔗茅根海底椰，清甜降火。