深深甜品

营业中

休息中

提起叁元豆花，最出名应该系西营盘嘅滔滔甜品，𠮶日经过深水埗，原来深深甜品都有得食。同其他地方食嘅一样，呢度嘅叁元豆花底部系豆腐花，上面舖住芋圆，地瓜圆，黑糖珍珠同紫薯西米，最后一款配料四拣一，我拣咗爱玉。食一啖之后，我就对自己嘅选择有啲后悔😂，因为呢个甜品比较稀同淡，应该要拣雪糕或者红豆呢啲较甜嘅食材嚟平衡返个味道。撇除选择错误，我觉得呢个甜品中规中矩：黑糖珍珠，芋圆同地瓜圆有咬口，紫薯西米够创新，爱玉同豆腐花正常味道，总括嚟讲，就系样样嘢都四平八稳。反而我觉得对面位叫嘅龙珠冰茶仲好食，因为有我最钟意食嘅冰菠萝片，底部嘅蜂蜜绿茶冻甜甜哋，茶味都几香浓。