尚苑京滬川菜 (已改名) 查看

今日难得去咗科学馆，我哋行返嚟呢边条食街，睇吓有冇中餐食。条食街游客非常多，所以我哋行到去商场地牢有一间酒楼，唔使同游客争。餐牌有很多选择，又有套餐叫，又有一般点心纸叫，我见到好多人叫樟茶鸭，不过我们想食鸡多啲，所以冇叫。叫咗一个素鹅卷，呢个真系值得叫，配上日式沙律麻酱，成个素鹅冇一般中式酒楼整到咁油腻，呢一个系非常之健康，但又有不同的口感，最主要的是四色有齐，非常漂亮。另外叫咗个得意嘅咸水角，好大条萝卜，非常可爱，咸水角炸得刚刚好，很烟韧，入面馅料十足。见到菜单上面有一蚊一只虾饺，就叫咗嚟试吓，杞子10分大粒，人参汤很浓味，饮完之后即刻成身暖晒。砂锅云吞鸡叫咗半只，都非常之够食，又有云吞，菜，只鸡仲整得非常之嫩滑。饮埋鸡汤，不会觉得非常之口渴，证明真材实料，冇落很多味精。