叁不館

营业中

休息中

同朋友行完维园花灯会，心血来潮想食火锅，揾揾下附近有间叁不馆几多好评，就去左试下。一出䢂门就见到怀旧风嘅装修，环境有d似以前大排档格局，但好干净，仲有凉凉嘅冷气。个日时间算早唔洗等太耐就有位坐，一坐低d店员就介绍依家做紧推广，$10十支酒，饮唔哂仲可以储低留番下次饮，好抵！之后店员捧咗个调味盘出嚟，有齐晒啲豉油葱蒜蓉啲调味，佢仲好好咁介绍咗佢哋店舖秘制嘅葱头油同埋沙嗲酱，叫我哋试吓。味道确实唔错！火锅最紧要汤底，我地拣左花胶鸡。个汤底嚟到嘅时候，店员都提我哋，叫我哋饮咗碗汤先再落料。个汤底鸡味浓，又有淡淡嘅椰子味。佢只鸡多肉得黎肉质又嫩滑，切位冇乜碎骨，可以大啖大啖食。花胶数量都好多！手切肥牛-食落唔韧，好重牛味韮菜饺-饺子馅肉弹牙韭菜鲜嫩五宝丸-每粒食落都好弹，味道唔咸适中，每一粒都真材实料蜂巢豆腐-非常嫩滑，最啱系浸落汤底一段时间再食，吸晒啲汤底，超正。芝士肠-份量够多，芝士味浓海鲜拼盘-海鲜新鲜，店家好细心将海鲜全部已经去晒壳，方便客人拾下拾下。蛏子多肉又够滑，扇贝大只又鲜甜，沙白大只又冇沙，海虾肉质爽甜。