蓮．越泰坊

营业中

休息中

失惊无神想入去数码港兜个圈，真系好耐无嚟，因为太隔涉，入到个场真系无乜嘢行，食肆很多，正直午市，见呢间最多人，咁二话不说~gogogo～莲-越泰坊。 拣咗～海鲜冬阴公汤河 三宝汤河（牛丸，牛腩，生牛肉） 小食～香茅鸡翼，越式春卷 饮品～绿豆凉粉冰，龙眼冰首先想讲，由我落单到上枱，唔使五分钟，太快有啲担心～先试啖汤，好彩都系热嘅，好味～酸同辣好平均，咸度亦好，唔会太咸，不错，海鲜亦算丰富有蚬，虾，鱿鱼，同埋好多菇类物体😅，成碗嘢系个汤底最正，蚬肉太细只，虾应该系一早整定，太熟～鞋过我块面，但因为肚饿，我都清晒成碗嘢。汤底都算不差，牛丸似港式，大大粒，唔算弹牙，但味道算ok,我只系偷食咗二啖，其他评唔到😅，但另一半话ok,佢都清左八成。廿蚊三只鸡翼，咬落去味道不错，廿蚊三只，无乜要求，唯独是入面啲鸡肉颜色有啲唔同。 春卷$48，几多咬口，干身，但系6件嘢得三块菜，紧手咗啲。 二个人埋单$250，价钱合理，味道中规中矩。回头度：3/5Btw 写果时见到好多人「腐皮」，但我用餐时啲阿姐又唔觉咁差。