雲長小龍坎老火鍋 (已結業)

铜锣湾越开越多一人一炉嘅铺头，今次去金百利7楼嘅小龙坎。入到去见到枱櫈嘅布置有啲混乱， 不过坐落都舒适嘅。我叫咗个药膳肥牛锅。 每个餐都跟好多唔同配料， 例如猪颈肉、蟹棒、午餐肉等，仲可以自选两粒丸/饺，比其他同类型嘅一人一炉多好多菜式。另外可以去自助调味柜攞调味料，但其实个汤底已经好够味（甚至可以话太咸），唔使再沾酱都OK。啲𩠌都系不过不失。除咗猪颈肉砌到玫瑰花咁，更值得一提系个虾丸同墨鱼丸，好弹牙同真材实料。以$68一个午餐都算几抵，可以再战。