Sage Bar

营业中

休息中

又到Happy Friday，今晚再战Sage。叫左支House white黎个饮饱食醉。今次叫咗个颜色好鲜艳嘅沙律。个名叫美式考伯沙律（个名好好难读）我好钟意食牛油果，感觉好清新，沙律酱唔会太浓同好开胃，不过个68度温泉蛋变咗唐心蛋。主菜叫咗两款，分别系三文鱼威灵顿同埋蟹肉带子咸蛋黄自家制意大利面。平时食开威灵顿都系牛肉，今次转咗做三文鱼做馅，好有新鲜感，入边仲加咗啲紫薯同菠菜，个味道有好多种层次。其中一款配菜系一啲炸左嘅叶，我觉得好好食，问左经理系咩嚟，原来系萝卜上边嘅叶，佢哋炸咗黎做配菜，环保又好食。蟹肉带子咸蛋黄意大利面嘅咸蛋黄汁好浓郁，依个中西合迫嘅组合好新鲜。蟹肉份量多同咸蛋黄好夹，不过带子就薄咗少少，如果带子厚返啲就perfect。今晚我地嘅甜品系Gelato雪糕，分别系朱古力、Caramel同埋云呢拿，好满足嘅一餐。