炊豕店 (威靈頓街) (已結業)

睇过其他人嘅食评几好，今日经过上环，就试吓佢，时间系下午三点几，冇咩人，但竟然都被安排坐面壁思过坐位，对住块墙，算吧食嘢啫，来到当然叫招牌葱油猪扒饭，上枱卖相几好，但一食落去就知道中伏，炸粉好厚、炸得有点过火，猪扒好薄冇咩肉汁，食完肯定超级热气兼口干，个饭啲饭粒系似日本米，圆圆哋以为好食，点知一咬落去好硬，根本唔想食，我夹硬食咗三分一左右，葱油好多，但整得唔好食得个咸字，跟餐饮品仲离普，连基本咖啡奶茶都冇，得啲冻罐装汽水之类，唉，总之我一定无下次....！