紅磡冰室 (已結業)

近年香港多咗好多连锁式嘅冰室，我都试过好多间，红磡冰室就未试过。今日经过见到有位，就入去试一试好唔好味啦。我叫咗个常餐B，要瑞士鸡翼捞公仔面，反蛋蒜蓉多士。价钱都系$50，唔算贵呀。本身以为只系薄薄一片嘅蒜蓉多士，点知原来系厚切多士，我都几surprise，因为厚切真系好食d！反蛋亦煎得好好，个蛋黄熟晒，蛋白冇㶶，又唔油，师傅处理得几好。至于个瑞士鸡翼捞公仔面，我都觉得唔错，个面够干身，唔会水汪汪，隔咗水先捞非常好。瑞士汁甜甜地，唔会话太咸，食多都唔腻。鸡翼好入味好腍，出色！下次会再嚟食。