甘味讚岐手打烏冬 (已結業)

是晚约朋友, 又要坐得耐, 又要食日本嘢, 又要近近地, 呢度真系一个不错的选择, 无论坐出面定入面, 都可以安安乐乐咁吹吹水, 仲可以叫人不停为你斟水, 因为佢冇乜人等位的, 只要你头轮有位~今次见到个新menu, 全部都系锅烧乌冬, 唔知系咪天气太冻, 所以用个热锅装, 可以保暖保得耐少少呢? 咁见佢系新嘢, 梗系要试试啦~ 杂锦锅烧赞岐手打乌冬呢个系朋友同佢囡囡食, 见佢乜都有, 但其实唔太吸引, 可能果d杂锦唔太啱我口味, 虽然有温泉蛋、天妇罗虾、叉烧、腩肉、什菜、狮子狗等等, 独食应该OK, 因为样样都系得一件~ 冲绳黑豚饺子芝士锅烧赞岐手打乌冬呢个系茄汤底, 有几只饺子, 唔肯定系咪黑豚肉啰~ d芝士又就咁洒d响面, 好似好唔掂, 搞到d饺子又太淋, 芝士又拉唔到丝之余又冇芝士味, 因为比d茄汤盖过咗~ 黑蒜油猪手锅烧赞岐手打乌冬我觉得一丁出果款黑蒜油拉面个汤底好食过佢, 呢度d都冇乜黑蒜味, 不过个猪手都唔错, 唔会太肥者太硬~ 𫠒红鱼+带子刺身照旧系唔错的, 虽然等得比较耐少少, 𫠒红鱼有5片, 而带子都有4旧架~