影片
更多
2013-12-12
88 浏览
以为最近百佳集团储印仔活动包括味吉拉面，见咁耐冇食过，咪过嚟食，顺手储多几个印啰！点知嚟到问店经理先知原来今年味吉冇参与，横竖嚟到，时候又唔早，唯有喺度食埋先算啦！对上𠮶次嚟都唔记得几耐了，总之好一段时间啦！店既装修冇变，店员都算熟口熟面，但餐牌内容却有转变。以前主要以叉烧﹑角煮豚肉及猪软骨做配料，现在多了吉列猪扒同炸虾。极上酱油同赤地狱汤底依旧，但原来既味噌唔见了，变左什么明太子味噌，正想试试这新口味之际，发现原来还有一款全新汤底，墨汁猪骨汤吧！所以索性点了吉列猪扒墨汁拉面。老公则点酱油叉烧拉面，另外再点近期爱吃既豚肉串烧。豚肉串烧先来，一客2串，每串3小件，中间夹著京葱，调味不错，本身豚肉味少少浓，又够咬口，好味。跟住酱油叉烧拉面来了，这汤底的拉面会跟紫菜同吃，如点大拉面(即3片叉烧)会送上完整一片大紫菜。由于这个汤底味道偏淡，所以味道一般。这个时候新菜色吉列猪扒墨汁汤拉面也来了。汤面卖相黑漆漆的让好墨汁的我兴奋不已，试一口汤，猪骨汤底味依然浓，甚至盖过墨汁汤味！(我当左墨鱼汁意粉咁食，所以味觉/对味道既认知有出入)至于吉列猪扒，跟图片又不相副了，好细块，唔系好似图片般厚切，重点系
对上𠮶次嚟都唔记得几耐了，总之好一段时间啦！店既装修冇变，店员都算熟口熟面，但餐牌内容却有转变。以前主要以叉烧﹑角煮豚肉及猪软骨做配料，现在多了吉列猪扒同炸虾。极上酱油同赤地狱汤底依旧，但原来既味噌唔见了，变左什么明太子味噌，正想试试这新口味之际，发现原来还有一款全新汤底，墨汁猪骨汤吧！所以索性点了吉列猪扒墨汁拉面。老公则点酱油叉烧拉面，另外再点近期爱吃既豚肉串烧。
豚肉串烧先来，一客2串，每串3小件，中间夹著京葱，调味不错，本身豚肉味少少浓，又够咬口，好味。跟住酱油叉烧拉面来了，这汤底的拉面会跟紫菜同吃，如点大拉面(即3片叉烧)会送上完整一片大紫菜。由于这个汤底味道偏淡，所以味道一般。这个时候新菜色吉列猪扒墨汁汤拉面也来了。汤面卖相黑漆漆的让好墨汁的我兴奋不已，试一口汤，猪骨汤底味依然浓，甚至盖过墨汁汤味！(我当左墨鱼汁意粉咁食，所以味觉/对味道既认知有出入)至于吉列猪扒，跟图片又不相副了，好细块，唔系好似图片般厚切，重点系好油呀！唔知系咪我影相影得慢，面好快腍，唔够以前弹牙。
走之前忍唔住点了一客甜品，北海道牛奶布丁伴冲绳黑糖雪糕。坦白讲，我系见倒幅相觉得靓先点的，听我咁讲，就知道我又领野啦！个卖相同幅相有出入，犹幸味道还算不错，不嗜甜的老公都钟意食。
不过整体嚟讲，食物质素的确下降了，冇以前的好味。埋单每人百元多啲，俾多少少我可以喺隔离吃牛锅吃餐饱呢。我谂以后非必要都未必再来呢！
张贴
