ME.N.U 360° (已結業)

太知商场装修之后，有好多新既餐厅进驻，呢一间系其中一间。呢度既设计系开放式设计，感觉都唔错既。我同个同学呢度见下午茶咁平，就试下啦。我地叫左个咖喱鸡扒石锅饭同个芝士肉酱薯条。但个薯条sold out，就转左个pizza。咖喱鸡扒石锅饭好正呀，好多饭焦。咖喱汁又唔会太多，鸡扒好脆口惹味。个份量都几大，好正呀。超级什锦pizza个pizza好薄，都几脆口既。材料都几多，芝士同蕃茄酱既份量刚刚好。唔会太多都唔会太小，个pizza虽然得半份，但下午茶算系咁啦。冻Mocha加4蚊就有得转饮，杯野几好饮既，咖啡味好浓。面头既cream好好味。整体上，价钱相宜，环境几好。食物质素更加唔使讲，实有下次既。