影片
更多
2018-06-05
205 浏览
今晚加班后同同事都无屋企饭食，佢建议去公司附近呢间餐厅，佢同老公食过话d小炒整得唔错，所以一于试下！我地拣咗最多人气嘅皇袍叉烧饭、西兰花炒带子花枝片、姜葱焗广岛蚝。皇袍叉烧饭 - 餐牌上面系无嘅！同事食开话中午嚟食过餐牌上面有餐跟先会有，如果夜晚去食，就算餐牌无都唔紧要，店员都会帮忙写单照做，只系收正价但无餐跟($60)！叉烧厚切，肉眼望好瘦，佢用左梅头肉整，所以质感好淋好入味！炒蛋亦都炒得好滑，无谂过一个普通嘅叉烧炒蛋饭可以到咁出色，好味！西兰花炒带子花枝片 - 即叫即炒！厨师炒得好有镬气，带子花枝片炒得好爽好香，唯一系呢啲小食系无白饭跟嘅，需要就另外柯打，但我哋有叉烧蛋饭，所以无再order！最后呢煲姜葱焗广岛蚝 - 上枱时候仲有 “吱吱”声，好热好香！蚝肉好肥美，而且大细适中，咬落亦好有咬感，完全无过火~ 味道甜甜哋带有姜葱香味~ 好正！以后喺铜锣湾加班行街又多咗间选择，见到隔离枱好多客都叫咗铁板，真系隔离饭香，下次等我又试吓先！
我地拣咗最多人气嘅皇袍叉烧饭、西兰花炒带子花枝片、姜葱焗广岛蚝。
皇袍叉烧饭 - 餐牌上面系无嘅！同事食开话中午嚟食过餐牌上面有餐跟先会有，如果夜晚去食，就算餐牌无都唔紧要，店员都会帮忙写单照做，只系收正价但无餐跟($60)！
叉烧厚切，肉眼望好瘦，佢用左梅头肉整，所以质感好淋好入味！炒蛋亦都炒得好滑，无谂过一个普通嘅叉烧炒蛋饭可以到咁出色，好味！
西兰花炒带子花枝片 - 即叫即炒！厨师炒得好有镬气，带子花枝片炒得好爽好香，唯一系呢啲小食系无白饭跟嘅，需要就另外柯打，但我哋有叉烧蛋饭，所以无再order！
最后呢煲姜葱焗广岛蚝 - 上枱时候仲有 “吱吱”声，好热好香！蚝肉好肥美，而且大细适中，咬落亦好有咬感，完全无过火~ 味道甜甜哋带有姜葱香味~ 好正！
以后喺铜锣湾加班行街又多咗间选择，见到隔离枱好多客都叫咗铁板，真系隔离饭香，下次等我又试吓先！
张贴
