新味館拉麵 (已結業)

少奶呢排真系好懒，懒得写，所以呢篇食评其实系几日之前食落摊到而家先写。呢间拉面馆位置其实唔算方便，地铁站出嚟都差唔多要行五分钟（可能因为少奶行得慢啦＝ｗ＝），不过少奶好多时落坑口食饭都会嚟呢度，贪佢唔贵又够大碗一定食得饱。唔算大嘅舖面，好似家庭式经营嘅感觉（虽然间唔中会漏单，尤其嘢饮），都算几舒服。少幼每次嚟都钟意叫手擀面，因为有口感过拉面，又唔似刀削面咁厚，成旧粉咁对于少奶嚟讲太heavy了。今次就叫咗酸辣汤手擀面。汤底浓度啱啱好，又足料，如果嫌唔够辣可以自己加辣，因为其实个酸辣汤唔多辣。不过虽然少奶好钟意食辣，但总系觉得酸辣汤好似都系唔好太辣先食得到啲料嘅味，所以都系由得佢原汁原味就算。重有一点令少奶好钟意叫呢个面就系叫得呢个预咗会成碗汤饮哂，比起其他面好似抵食啲咁啰哈哈。少奶友人就叫咗饺子刀削面，汤底系清汤嚟。佢呢度个清汤都几鲜味，不过少奶就冇问过用咩嚟煲。虽然今次冇叫到，但少奶想推介埋佢呢度有几个叫麻辣ｘｘ拉面嘅，都系清汤底，之后俾一碟用麻辣汁浸住嘅猪耳／肚丝／牛展，少奶每次都会成碟倒落个清汤度沟埋佢，劲惹味！另一个推介就系呢度嘅醉鸡。醉鸡亦都系少奶每次嚟呢度都会叫嘅小食。个汁