匠一麵屋 (已結業)

定期来长沙湾睇牙医后都要揾下有咩好食，新来开呢间匠一拉面比起呢区其他拉面走不同的路线。由先装修日式简洁拉面店，坐得几舒服，唔使坐bar枱所以同朋友面对面倾到计。我地叫左两款拉面，一款系酱油鸡骨汤底既浓厚鱼介拉面，汤底好清甜不过鱼介味唔算出，饮多几啖汤都唔会觉得滞或口干，拉面面底，叉烧都好软淋。另一款系豚骨浓汤既炙烧叉烧拉面，呢碗多几块叉烧，汤底完全唔同，系好浓郁既豚脂味，重口味必点，配合幼身啲既面条汤汁更挂面。再叫左小食，炸鸡难得仲 juicy 而饺子好正宗既拉面店饺子咁，猪肉馅，表面煎得脆口。长沙湾既餐厅真系愈开愈高质，以拉面黎讲呢度价格算平，值得一试。