大漁屋台 (已結業)

日本料理几时都特别吸引我上网见到得宝有间新居酒屋，门面睇落真系好日本feel，早2日就book定位，放工Happy Friday!6点半到门口，已经见到舖入面有6，7台客，所以大家唔想等既记得book定位呀打开menu 样样都想叫先叫左个前菜:蟹子沙律 份量足够2人食清酒煮蚬， 性价比高，有好多只蚬，只只都有大大粒既蚬肉架清酒微苦带香，有菇同埋昆布，仲几片辣椒调味，唔食得辣既朋友要小心唔好食到。黎居酒屋点少得串烧，拣左鸡肾、牛脷同埋一口蕃薯。调味同埋烧得都岩岩好，3款都冇野好挑剔海胆葱花拖罗蓉卷，特色卷物，但味道就比较失色。海胆同埋拖罗蓉味道好啖。海之幸丼，刺身分别有三文鱼、油甘鱼、三文鱼子同埋北海道牡丹虾。几款入面以油甘鱼最为出色，十分鲜甜，其他都冇咩特别。食饱大约8点，门口已经好多人排队等位啦整体黎讲，刺身卷物都冇大惊喜，反而前菜、串烧、渔师料理就充满惊喜。会再返黎试其他野食顺带一提，座位唔算舒服，而且较为迫，当日职员见我地拎住大袋，都有提比多张櫈我地摆袋，值得一赞，但就要摆系离自己座位一小段距离。