鍋呵呵 (已結業)

今日陪老公出左深水埗黄金商场买电脑野顺便食晚饭！呢排d天气热左好多，老公竟然提议去打边炉！？哈哈！好！我一于奉陪！反正我一年365日都钟意恰下恰下嘅！上openrice 睇到有间叫「锅呵呵」喺附近，系新开嘅火锅店，d评语都几好，就同老公两个「贡」上去。火锅店喺一楼，我地6点去到（个天都未黑！），刚刚开门，即刻有位！我地坐窗口位，餐厅舖面干净，坐得都舒服！职员推介我地食一个椰子鸡锅二人餐，菜单睇落去真系好吸引好抵食，不过因为套餐有好多海鲜，老公唔系好食得。所以最后散叫，我地叫左个沙爹汤底，一碟手切肥牛，仲叫左d配料！我同老公每人都叫左一杯热柚子蜜，味道正常，冇乜特别！沙爹汤底好够味好香，用黎渌肉类岩哂！手切肥牛好够牛味，不过如果再瘦返d就好！唔系间间火锅店有黑柏叶！呢度有！见到即叫！黑柏叶渌两渌就得，好好食！墨鱼滑好弹牙！牛筋丸好正，牛味超浓又有咬口！食食下职员又攞左一碟肥牛黎，我地仲以为黎错，原来系5月优惠每一至四个人送一碟肥牛！虽然冇手切肥牛咁重牛味，不过都算香口冇筋！免费特别正！我地仲叫左乌冬，系手打乌冬，好弹牙食到唔停口！叫左碟唐生菜，新鲜亦洗得干净！见到隔离枱食蒸气锅好吸引！超