影片
更多
2016-06-28
754 浏览
难食到呢~要我处女下海 首写食评期望＞＞＞＞＞＞失望又一间老字号已死见佢装修完 靓靓仔仔 咁耐冇食 就再去锯下扒啦 谂返起佢嘅罗宋汤超浓 羊架好香 抵食夹大件😨中计开始喇……坐低冇耐侍应就问我哋叫得餐未 大佬~ 餐牌都未睇呢 好赶时间咩平时落单就梗系叫咩扒咩扒㗎啦 个侍应居然唔明我讲乜 叫我讲number㖞 谂番起以前爱群餐厅班侍应 个个串串贡但有heart 十足十“食神”入面爆浆牛丸班伙记一样 型到跌渣㗎嘛 依家呢班年青人 得个躯壳冇灵魂嘅啲餐具污糟到冇朋友 简直幻想到上手食过咩扒 叫完餐 等咗阵 主菜就上啦 等阵先……个汤呢？！补番个汤之后 一饮就知奶野啦 得个“酸”字 以前爱群最出名就系个罗宋汤㗎啦 又浓又多菜 净饮个汤就饱啦😕开始食主菜喇我点咗一份法式羊架 一份西冷牛扒加德国肠😬份法式羊架熟度呢~九成我明明叫左五成㗎？！ 又冇薄荷酱 得蒜蓉黑椒𠮶啲普通嘢畀我拣 以前个厨房整羊架好正呀 煎到脆面㗎 依家咪变咗煲汤瘦肉啰😧到介绍个西冷牛扒喇我个人比较血腥 钟意食三成 但一切开块牛扒 我真系睇唔出几多成 成块牛排由面到心都系冻嘅 切开又见唔到血㖞 几神奇呀 冇牛肉味 都唔知自己食紧块
要我处女下海 首写食评
期望＞＞＞＞＞＞失望
又一间老字号已死
见佢装修完 靓靓仔仔 咁耐冇食 就再去锯下扒啦
谂返起佢嘅罗宋汤超浓 羊架好香 抵食夹大件
😨中计开始喇……
坐低冇耐侍应就问我哋叫得餐未 大佬~ 餐牌都未睇呢 好赶时间咩
平时落单就梗系叫咩扒咩扒㗎啦 个侍应居然唔明我讲乜 叫我讲number㖞 谂番起以前爱群餐厅班侍应 个个串串贡但有heart 十足十“食神”入面爆浆牛丸班伙记一样 型到跌渣㗎嘛
依家呢班年青人 得个躯壳冇灵魂嘅
啲餐具污糟到冇朋友 简直幻想到上手食过咩扒 叫完餐 等咗阵 主菜就上啦 等阵先……个汤呢？！
补番个汤之后 一饮就知奶野啦 得个“酸”字 以前爱群最出名就系个罗宋汤㗎啦 又浓又多菜 净饮个汤就饱啦
😕开始食主菜喇
我点咗一份法式羊架 一份西冷牛扒加德国肠
😬份法式羊架熟度呢~九成
我明明叫左五成㗎？！ 又冇薄荷酱 得蒜蓉黑椒𠮶啲普通嘢畀我拣 以前个厨房整羊架好正呀 煎到脆面㗎 依家咪变咗煲汤瘦肉啰
😧到介绍个西冷牛扒喇
我个人比较血腥 钟意食三成 但一切开块牛扒 我真系睇唔出几多成 成块牛排由面到心都系冻嘅 切开又见唔到血㖞 几神奇呀 冇牛肉味 都唔知自己食紧块乜 条德国肠 喊喊喊喊喊喊喊
😖队到咁上下 侍应埋来问叫咩餐饮 心谂快快趣搞掂佢 食完饮完咪走啰 点知佢真系快到呢~主菜都未食完就队个甜品埋嚟啦 效率真系高 我一边 锯住件扒 一边望住杯雪糕溶紧 几咁人“生交叉点”呀 牛扒又冻雪糕又溶“凭傲气~硬汉子……” 喺咁紧张关头我究竟食边样嘢先呢
到最后我将心声写晒落张单度 唔知老细睇唔睇到啦 冇所谓啦 横掂我都唔会有下次喇
※爱群餐厅 好自为知啦※
张贴