永華麵家 (已結業)

今日难得过海去会展睇下展览，又记得之前睇到湾仔又有一间老店要准备执，所以就特登黎到呢度朝下圣，唔系过多2个月就冇得再食。等候永远系辛苦嘅，虽然我去到系3点半，唔系食饭时间，但都有条人龙，排左半个钟先入得去坐，仲要我系一个人，如果唔系仲要等。其实唔洗睇餐牌，我已经谂好左食乜，一定系试下佢嘅招牌云吞面，同埋外卖2碗陈皮红豆沙番屋企孝敬两老。落左单都系漫长嘅等待，外卖红豆沙好快到，但堂食嘅云吞面我等左足足半个钟，都有人因为等得耐而鼓噪。但我心谂，你黎到呢度应该都预左啦～云吞面一黎，我就谂，啲云吞呢??原来喺晒底，粒粒都好透视，见到就想食啦！啲虾又大只又新鲜，食到我耳仔郁郁！回家食左红豆沙，其实即刻食一定系再好食啲，不过啲红豆沙真系好细滑。价钱系贵架，但一次半次，而且过左8月就冇得食了，点都抵嘅。