上海美食之家

营业中

休息中

留意一下，先发觉原来短短一条马头围，已经有三间担担面嘅餐厅，不过因为起地铁，无咗一间。哩间上海美食之家，虽然铺头细细，睇下个餐牌，提供嘅菜式都唔算少。睇睇个餐牌，又有一种咩都想试，但肚腩容量有限。首先试下个担担面先，叫咗客猪扒担担面，习惯试试汤底先，汤面非常浓郁，好过未执果间，再留意下块猪扒，𠵱？除咗将原有块炸猪扒切件之后，零零舍舍多出一小件？好明显，厨房觉得块炸猪扒细咗少少，补多一细件！哩点真系啰哂分！炸猪扒外层炸酱都算脆，猪扒都叫做厚身，唔似d连所快餐店薄依依。面条偏冧但唔算灿，岩我胃口。再试试狮子头客饭，猪肉入口即溶，味道唔会太淡，唔错。好想试下佢地嘅小笼包，可惜肚腩空间有限，下次试完再写食评。