八海山 (已結業)

九月一日, 今日终于畀啲同事带咗我去《八海山》试吓佢哋成日话好得既日式便当,便当会跟一个日式蒸蛋, 个蒸蛋都几有水准, 不过唔钟意佢个底有粒白果...便当有面豉汤, 一个白饭, 一份沙律, 一份鱼生, 一份烧物, 一份炸物, 仲有一少份生果添!今日最正系个沙律, 因为系龙虾沙律嚟架! 里面又沟咗啲蟹子, 劲正!!烧鸡扒之前同事们已经话好食, 原来真系几好味, 呢间啲师傅做既烧物都好得架㖞~炸豆腐普通, 炸得重手咗少少, 另外今日份鱼生啲鱼麻麻, 有啲咸鱼 feel, 即系腥腥哋,不过对于钟意食鱼既我都冇问题, 但对于一位唔多钟意食鱼既同事就觉得好难食!另外仲有杯餐茶, 可以叫柠茶、咖啡、奶茶或橙汁, 我今日叫咗奶茶,但好失望, 杯奶茶好淡呀....... 同埋等咗好耐好耐 (约二十分钟), 吹咗三次先嚟饮品...不过同事们话啲橙汁最好饮, 有啲橙肉架, 下次都系饮橙汁好啲!呢道都好多日本人嚟帮衬, 日日都见到有三、四成日本人嚟, 但系呢度既老板娘态度真系几麻麻, 我哋初时坐个位劲冻劲大风, 叫职员帮我哋开细啲个冷气,可惜开细咗都系咁, 我哋顶唔顺, 再同职员讲, 职员就同身旁既老板娘细