又一間餐室 (已結業)

今日喺美孚食饭，行到去宝轮街曼克顿山商场附近，见到呢间餐厅入面坐满人，而且装修几靓，于是入去试下。 当时系中午时间，所以需要同其他人搭枱，餐牌有几款唔同嘅午市套餐可以选择，我拣咗一个大猪扒饭。 喺等饭度嘅途中，观察咗餐厅内嘅一啲装修，对住宝轮街𠮶边系比较西式嘅装修，但行入少少嘅位系比较日式嘅装修。 等咗大约五分钟，有个沙律送上，有水果同埋有唔同嘅菜，味道正常。 再等多五分钟，个大猪扒饭终于送上，外加一个蒜蓉汁，仲有只太阳蛋，猪扒分量系几大，而且肉质都新鲜，煎得几香，个饭同个汁就不过不失，整体感觉正常。