The FOOD FACTORY (已結業)

今晚收工约左个fd出去食饭，个fd岩岩去完exchange半年，好砖无见啦！佢话系北京exchange净系得水饺食，今晚要食意粉咁话，我就提议去旺角食西餐啦餐厅唔算太大，但系d椅子全部唔同颜色，几colourful！我地叫左个二人Set share食，「北海道全蚬忌廉意大利面」，意粉好al Dante, 够弹性，意粉酱汁非常鲜甜。佢比起平时嘅忌廉有d唔同，平时嘅都系好咸，但今次lee个带有忌廉南瓜汤𠮶种甜味，应该系甜椒带出嘅味道。蚬肉亦非常多，好抵食！「烟三文鱼红醋沙律」，份量相当多，烟三文鱼咸香十足，一啲腥味同雪味都冇。配以爽脆嘅生菜，鲜甜嘅番茄仔，绝对系口感上嘅大满足。不得不提嘅系个红醋汁，调教得恰到好处，酸甜度啱啱好，唔会呛喉，同个沙律配合得宜。推介！「慢煮肉眼扒伴农夫菜」，牛扒外脆内软，肉嘅表层煎得够干身，而内在熟嘅程度刚好，都系medium rare。肉味浓郁，块扒非常大块，仲大过我块面！另外碟上嘅配料都好好食，薯泥同牛肉汁嘅配搭简直一绝！去左exhange半年既佢，大大力表示赞好呀！