夢咖啡館 (已結業)

睇野真系唔可以睇表面，去到西九龙中心，谂住试吓隐世拉面，好衰唔衰叫夫人帮手开个openrice睇地址，佢睇到排响隐世拉面下既dream cafe，佢就突然话想转食cafe。一入到去，环境都唔错，见到个带位妹妹，就知呢间野唔系食service。好啦，睇中个手工汉堡个名改得好霸气，就试一试佢。嗌左十声之后，忙住打机既两个waitress妹妹终于过黎落单，落完单佢又走返去拎返部电话打机。等左十几分钟个包终于到喇，饿到hihi既我，一手就拎条薯条食啦，哗，干左d㖞，不过味道还可以啦，似紫菜shakeshake薯条啰，之后切个包黎食，唯一可以赞个汁，其他都系中下水平，包身松又冇弹性，生菜底同麦记完全一样味，最大获系个牛，细旧得黎又松散，散到系揾把刀一切即粉碎，似碎牛汉堡多d。呢个包，竟然收我$88蚊，我去西贡食个超好味汉堡都系五十蚊咋，红磡时新好味过佢十倍都系廿几咋，佢咁既用料，咁都好意思收88蚊，好野！食完个包，夫人嗌左个太极窝夫。完全冇期望下，食呢个窝夫，觉得合格啦，虽然窝夫硬左少少，但算脆口，香蕉都几结实唔会林，雪糕好有拉力，味道唔错。满意！埋单盛惠百九几蚊，唉，真心觉得唔抵食又完全唔值啰