影片
更多
2020-11-23
137 浏览
碌开最新餐厅见到旺角有间岩晒打卡既Cafe 咁就梗系要约fd一齐去试下本身谂住夜晚先去既 晏昼就食其他野 点知晏昼想食个间冇位要等好耐先有位 咁又谂唔到宜家食咩好 咁就打去旺角今晚想食个间Cafe问下今晚仲有冇位 睇下有冇得book位 店员话今晚得返8点半 咁我多口问句咁宜家会唔会有位 点知店员话宜家有位丫 咁我同fd都谂住反正都系食 咁早又食迟又系食 衬宜家有位又唔洗等咁不如宜家去食啦 咁就即刻搭车落旺角了我地大约晏昼4点钟去到 当日系星期日 真系冇谂过系可以唔洗等位 通常星期五六日食野 间间餐厅都要排队等位先有得食 呢间餐厅系8楼 一搭lift上去一出已经系入左餐厅 餐厅唔算大 得两张4人枱 四张2人枱 同一张bar枱 bar枱大约坐到6个人左右 先讲讲佢个Menu 餐厅有最低消费每位客人需要叫一杯饮品 佢既主菜选择唔算多 好似系得三款意粉 甜品就多啲 好似都有5-6款 仲有小食 饮品就有好多选择 有咖啡 茶 沙冰同梳打 饮品主要都系抺茶同焙茶 两样都好吸引 有啲难拣我同朋友两个人叫左一个主菜 两个甜品同两杯饮品 落左单大约15分钟左右 食物同饮品都黎齐了 主菜我地叫左个明太子意粉
本身谂住夜晚先去既 晏昼就食其他野 点知晏昼想食个间冇位要等好耐先有位 咁又谂唔到宜家食咩好 咁就打去旺角今晚想食个间Cafe问下今晚仲有冇位 睇下有冇得book位 店员话今晚得返8点半 咁我多口问句咁宜家会唔会有位 点知店员话宜家有位丫 咁我同fd都谂住反正都系食 咁早又食迟又系食 衬宜家有位又唔洗等咁不如宜家去食啦 咁就即刻搭车落旺角了
我地大约晏昼4点钟去到 当日系星期日 真系冇谂过系可以唔洗等位 通常星期五六日食野 间间餐厅都要排队等位先有得食 呢间餐厅系8楼 一搭lift上去一出已经系入左餐厅 餐厅唔算大 得两张4人枱 四张2人枱 同一张bar枱 bar枱大约坐到6个人左右
先讲讲佢个Menu 餐厅有最低消费每位客人需要叫一杯饮品 佢既主菜选择唔算多 好似系得三款意粉 甜品就多啲 好似都有5-6款 仲有小食 饮品就有好多选择 有咖啡 茶 沙冰同梳打 饮品主要都系抺茶同焙茶 两样都好吸引 有啲难拣
我同朋友两个人叫左一个主菜 两个甜品同两杯饮品 落左单大约15分钟左右 食物同饮品都黎齐了
主菜我地叫左个明太子意粉 我见多数人都系叫呢个 呢个意粉既摆盘靓过另外个两个 所以就拣左呢个 味道唔错 正正常常 份量唔算多 系一人份量
甜品佢有好几款 有两款都系窝夫 其中一款系原味窝夫 另一款系竹炭窝夫 上面有两球雪糕 佢Menu个名好得意架 开头都唔知系咩黎 问店员先知原来系系窝夫黎 另外仲有个系多士 我见多数黎食都系拣多士 好似系必叫咁 感觉上特别啲 窝夫周围既甜品舖都好易食到
我地最后拣左莓莓法式西多士 呢到既多士几特别 系切好左三件既三角形 食落系淋身既 摆盘都好令 侧边有香蕉蓝莓士多啤利 仲跟埋个糖浆 我同朋友都好中意食呢种淋身既多士 感觉上会冇咁热气咁 开头以为系好似出面个啲西多士咁正方形好厚炸到金黄色好硬好脆身
仲叫左日本年糕串 呢个系朋友睇到食评话好食 所以想试 我开头会觉得呢啲会唔会有伏 点知几有惊喜 佢系一份有有两串 每串有两粒 都几大粒 系冻食既 入面系麻糬咁 如果中意食麻糬既一定要叫呢个 真系好好食 我同朋友都好中意食
最后饮品有太多选择 我地都拣左一阵先拣到 朋友拣左杯系梳打Blue Lemonade 成杯都系蓝色既 岩晒打卡 真系好令 不过朋友就话系一杯普通既柠檬梳打 味道正常
我就叫左杯抺茶红豆拿铁 呢杯应该都系呢间餐厅必叫既野 我见大部分人黎得打卡既都会拣呢杯饮品 佢系用富士山杯 本身谂住拣白玉唔拣红豆 但谂落红豆影相会令啲 所以最后都系拣返红豆 呢杯饮品佢系分层既 最底层系红豆 之后系奶 跟住系抺茶 最上面系奶泡 成杯搞匀晒黎饮就岩岩好 唔会话净系得抺茶味会苦 又唔会话好甜 其实饮落都唔觉有甜味 抺茶同奶味几重 个人几中意
整体黎讲 环境食物饮品都好满意 两个人食左300几蚊 希望会再有多啲主菜既选择 下次会再黎试其他野 值得一试
明太子意粉
$118
13 浏览
0 赞好
0 留言
明太子意粉
$118
10 浏览
0 赞好
0 留言
莓莓法式西多士
$88
7 浏览
0 赞好
0 留言
日本年糕串
$49
2 浏览
0 赞好
0 留言
左：抺茶红豆拿铁 右：Blue Lemonade
$58
6 浏览
0 赞好
0 留言
张贴
