S2 Kitchen (已搬遷) 新店位置

威灵顿街都有个间日式居酒屋，一样非常有日本风味，外面有好多红色灯笼，好有趣，好靓。入面都相当热闹，见佢客似云来就知道相当可靠，绝对唔会中伏。安排咗个位置，坐落都好舒服，唔会觉得逼。可能太耐无食日本野连杯茶都觉得好饮d😂话都无咗快道送嚟第一个菜式，系头盘，系海胆杯，另外𠮶个系牛油果沙律。海胆杯入面用料十足，用料新鲜。跟住道芝士年糕，成个蛋糕咁嘅款，但仍然保持住年糕嘅口感，当然味道亦系一等一，无得弹。呢个系火烧带子卷，非常美妙，威力系由视觉去影响我嘅味觉，见到就已经流口水。睇佢平平无奇，其实系鸡翼包鲍鱼，仲透出淡淡嘅清酒香味，食落新奇又有趣，味道配合亦一绝。睇下上面d海胆，鱼子，多到满泻，绝对唔孤寒，几有诚意。呢个菜，相当有趣，先唔讲干冰效果令到好似仙环咁靓。佢系蒟蒻面，入口相当滑溜，食过呢个面翻唔到转头，唔想再食其他面。最后一个海胆雪糕做收尾，为丰富嘅一餐做收尾，海胆胆雪糕同样入口即溶，刺激著口里每一个味蕾，非常满足。