影片
更多
2009-07-03
54 浏览
今晚又系一月一会同李某、钟某同麦某嘅饭局...今次我见议嚟呢度....因为我好想试好耐....地点唔好揾而又唔难揾...因为我问咗警察叔叔，经佢哋明灯指引下...好快我哋已经七点松到达啦~~因为李某揾地方泊车...所以佢迟成半粒钟先到...喺佢仲未到时我哋唔理三七廿一...叫咗个海蜇头同椒盐多春鱼送啤酒...海蜇头,,,比较碎...味道不过不失...反而椒盐多春鱼味香酥唔油腻....佢好肥美.....正....之后李某到啦...当然点菜啦...我哋order咗豉油皇乳鸽，个个赞不绝口...肉嫩味美...啜乳鸽骨最开心，因为好入味，连骨中啲汁都唔会放过。乳猪半只上场...皮脆肉香少肥膏，入口层皮好似食泰国脆猪肉干咁，味道一流....唔会好咸而有味....我提议大家唔沾酱先可以感受到真正嘅乳猪。胡椒猪肚大蚬汤......好一般又唔够辣....猪肚我冇食....蚬好细粒，冇人赞大概都系一般啦。豉油皇鹅肠....呢味系我最期待嘅一味𩠌...不过亦系我最失望嘅一味.....,原因分量超少....芽菜系鹅肠2.5倍...不特止...仲要冇嚟味道唔掂。姜葱蚝煲得唔知5-6只蚝，虽然size都中上大只
地点唔好揾而又唔难揾...因为我问咗警察叔叔，经佢哋明灯指引下...好快我哋已经七点松到达啦~~
因为李某揾地方泊车...所以佢迟成半粒钟先到...喺佢仲未到时我哋唔理三七廿一...叫咗个海蜇头同椒盐多春鱼送啤酒...海蜇头,,,比较碎...味道不过不失...反而椒盐多春鱼味香酥唔油腻....佢好肥美.....正....
之后李某到啦...当然点菜啦...我哋order咗豉油皇乳鸽，个个赞不绝口...肉嫩味美...啜乳鸽骨最开心，因为好入味，连骨中啲汁都唔会放过。
乳猪半只上场...皮脆肉香少肥膏，入口层皮好似食泰国脆猪肉干咁，味道一流....唔会好咸而有味....我提议大家唔沾酱先可以感受到真正嘅乳猪。
胡椒猪肚大蚬汤......好一般又唔够辣....猪肚我冇食....蚬好细粒，冇人赞大概都系一般啦。
豉油皇鹅肠....呢味系我最期待嘅一味𩠌...不过亦系我最失望嘅一味.....,原因分量超少....芽菜系鹅肠2.5倍...不特止...仲要冇嚟味道唔掂。
姜葱蚝煲得唔知5-6只蚝，虽然size都中上大只，不过都成本18x就好似唔系好值啦，事关啲蚝煮得老咗啲....比较硬啰~~味道都唔错!
豉油皇炒面，呢个我本人十分欣赏，面干身而不腻，味道刚好，俾我清咗碟。
啫啫生菜煲，呢味𩠌等咗半粒钟咁泄，上到枱~~哗~~真系好咸香，以为会好咸，不过食落又ok㖞，但系比较油啰。
成晚饮咗都好似成五六支蓝妹，埋单$13xx，食物同服务都算唔错，所以有机会我会再嚟试埋佢其他菜式。
张贴
