新斗記 (已搬遷) 新店位置

尋日同老友兼舊同事出油麻地飲茶，去咗兩三間都執咗笠，見有間有開，於是抱著一試無妨的心態，大約12點左右上到去，午茶居然唔駛等位，入到去人唔算多（約1/3），職員都好積極，（A職員問飲咩茶去開茶，又有B職員又問飲咩茶），食完職員都好快收走碗碟唔好積晒啲碗碟喺枱上，服務態度雖好，但亦有一點 需要改善，就係點餐時點咗兩個「甜品」（薑汁糕及燉蛋）居然最快上，食完其他食物，到食甜品時啲甜品都凍晒，如果改善埋會更好。另外叉燒飽爆汁值得推介題外話用餐期間見到一個怪現象，一家三口兩個大人加一個小朋友居然要分兩枱，分枱的方法是兩張枱中間加一個透明易拉架！

父親節飯去左食呢間 聖子冇咩特別個牛柳好明顯係用次檔牛冇嫁，全部其他都好好味，冇咩形容可言，哈哈-其實太多餐廳有類似的野, 所以好難再話邊間特別好食同好驚喜, 所以係香港做飲食真係好難

第一次光顧這間新斗記我最初以為新開所以來試下，可能太耐冇出油麻地關係聽聞原來已經開了一段日子，我們4個人都叫了好多碟點心~ 鮮蝦菜苗餃,潮州粉果,山竹牛肉,皇鮮竹卷,陳皮牛肉腸粉,香芋鴨腳札,冬茸海皇灌湯餃,藥膳雞腳,椰絲蛋散,豉椒炒牛河，牛肉腸粉有好香陳皮味，冬茸海皇灌湯餃好大隻湯底有冬瓜粒幾清幾好，椰絲蛋散好鬆脆又唔太甜，其實整體食物質素味道都幾好，唯一唔好就是食物唔知點解會唔係幾夠熱，連豉椒炒牛河都係唔多夠熱，不知是否廚房太遠還是什麼關係希望能改善一下

同事last day, 同佢farewell, 同行4個人，主角鍾意食中菜，佢提議食呢間，地點又方便大家。我地叫左個黑松露西芹炒什菌，幾香口，但略嫌油左d再叫左我至愛既干煸四季豆，好惹味，送飯一流～男同事鍾意食呢個鵝掌翼、不過我無試～呢個係龍皇海鮮羹，有豆腐、蝦、帶子，略咸，不過還好，大家都清哂朋友介紹呢到最好食係豉油皇炒麵，叫我一定要試下～果然唔錯，炒得夠乾身，又唔會太油👍🏻最後加多個啫啫蝦醬生菜煲，聞到隔離枱食好香，但又係偏咸😅差唔多食哂先記得影相。咕嚕肉，我覺得整幾幾好，上枱夠熱，炸得好香脆，醬汁酸酸甜甜，好開胃最後仲送左一人一碗紅豆沙，埋單4人先$1000，都幾抵食環境又唔會太燥，乾淨企理！

今晚有朋自遠方來，他讓著要食乳豬，於是決定帶他來這間出名食乳豬酒樓食今晚平日都座無虛席，好彩有提早訂位可能人多關係，椅背會碰到隔離枱椅背，感覺較迫。但每位員工好友善，成個用餐感覺都好舒服我地叫了 : 即燒乳豬半隻＄358 - 這個必食乳豬皮薄，燒得香脆可口，似食台灣豬肉紙般而且已去掉了肥膏，不會有油膩感豬肉香嫩好味，不用點醬汁已經好好食燒鵝1/4 $148 - 燒鵝上枱時已經唔熱，所以令到鵝皮唔夠香口，而且肥膏略多食到成口油，－般泥孟粥$138 - 份量可分到６碗。粥底好軟棉，果皮香濃，有泥孟肉，係真正泥孟粥好味！豉油王炒麵 - 炒麵好爽口，不太油膩，咸甜適中，好好食配粥一流籠仔面醬蒸魚雲＄128 - 面豉醬好香，魚雲唔腥，味道好夾好惹味燒汁爆牛仔柳＄138 - 這個牛仔柳真係驚為天人肉質好香滑好軟淋，但又保持一定口感而且燒汁又好入味，萵筍炒得爽口，各人都讚不絕口也是必食之選啫啫唐生菜煲＄88 - 上枱時熱辣辣好香，唐生菜爽脆，可惜食到最尾略咸不過味道整體上係不錯的，有幾款菜式已經加了不少分，下次會試下蟹肉蒸飯！

新斗記伴菜蕎頭，我次次去都食哂，但今次味道澀澀哋。乳豬好好食，皮超脆同好香口！必食！唔知係唔係豉油炒蝦，好有大排檔風味，有鑊氣。豉椒炒聖旨好味，每次必食!響螺燉雞湯很甜伙記一碗碗上，影相唔睇，所以我影低湯渣。係新鮮鮑魚！好大隻嘅燒鵝，好香口！魚肚上湯白菜。揚州炒飯，麻麻哋。豉油王炒麵必食推介！紅豆沙湯圓附上塊陳皮，真係好香陳皮味。

生日飯團又要慶祝生日, 一呼百應。今次大家揀左呢間米芝蓮中菜: 新斗記, 而且指定要黎佐敦總店。自己帶酒要付開瓶費, 但開心最緊要!這支山崎已是絕版了!必食燒乳豬仔一隻, 皮脆肉香, 人多 share 最好!未上枱前已預先切走脂肪, 食落無咁肥膩呀。海鮮: order 左豉油皇海虎蝦。夠大隻又爽口鮮甜。燒鵝半隻, 還可以的。海鮮類另有炆班腩 & 碧綠炒班球。我的豉油王中蝦個頭是爆膏的。豉油王炒麵很乾身惹味。食左太多肉, 來個啫啫唐生菜。冷盤之一: 醉豬手仔, 另有紫薑皮蛋同椒鹽豆腐, 但相片只限 12 張, 已放不下了。

今日同親戚們食飯，表弟就預先訂了座落佐敦的新斗記。我們一行11人安排坐在一樓近樓梯位置邊的大圓枱。餐廳環境可以，牆上掛了字畫及招牌小菜。餐具上面印有公雞圖案，好懷舊。前菜點了文鹵水鵝掌翼、糖心皮蛋酸薑及椒鹽豆腐粒，開開口胃。主菜就點了半隻招牌即燒乳豬、半隻馳名脆皮燒鵝皇、招牌粟米大魚塊、蒜蓉花甲籠仔飯、啫啫唐生菜煲、香煎蓮藕餅、臘腸荷葉蒸雞、上湯西洋菜及豉油王炒麵。招牌即燒乳豬：豬皮好脆，肉嫩，好味，大推👍。馳名脆皮燒鵝皇：燒鵝頭是有「計」，是正宗燒鵝象徵，皮燒得好脆，肉又有汁，超好味。招牌粟米大魚塊：粉漿唔厚、魚塊炸得好香、好滑、外脆肉嫩、而粟米是用碗另上，可根據個人口味去沾，又可送飯。蒜蓉花甲籠仔飯：花甲好鮮，飯吸收哂花甲既味啫啫唐生菜煲：生菜完全沾滿醬汁，好香好惹味，正。香煎蓮藕餅：蓮藕餅煎得好金香。臘腸荷葉蒸雞：臘腸好味、雞好嫩滑，仲有淡淡荷葉香味。上湯西洋菜：西洋菜煮得好鮮嫩。豉油王炒麵：炒得非常好，每條麵都好均衡，配上芽菜，好爽口，正。

This was my second time going to this restaurant in Jordan, the first time I had an amazing experience so i decided to take my family here for a big welcome to HK meal. I booked in advance and got to the restaurant greeted by very friendly staff. Waited for everyone to arrive and then ordered about 12 dishes. They were quick at bringing dishes out, a pet peeve of mine is when restaurants bring out 1 dish at a time and waiting ages for the next 1 but by the time it has we've already finished the

一行八人， 一早book定枱喺佐敦食飯， 我哋準時到達 唔使等就準時入座， 上到去上面地方好闊落環境又舒適 服務又好好 叫咗隻乳豬 我哋要求要瘦啲 皮好脆肉好亂 唔使預定即叫即有 粟米斑塊 個斑塊好好食 炸完之後啲肉都仲係好滑 個粟米汁好好食超啱送飯 仲有乾扁四季豆 不過不失 椒鹽白飯魚 呢個麻麻地 唔提議叫 魚香茄子煲 好香好惹味 但食唔到裏面有鹹魚 仲有蒜蓉花甲籠仔飯 好香蒜蓉味花甲好甜 個飯禁埋豉油食絕配 個人特別推介乳豬 粟米斑塊 蒜蓉花甲籠仔飯 值得一試

媽咪話我好耐無同佢食飯，所以見呢排無咁忙，就約阿媽出嚟撐枱腳啦媽咪鍾意食中菜，所以今次就帶咗佢嚟呢間有米芝蓮推介嘅新斗記啦餐具上面印有可愛嘅公雞嘅圖案，中國風得嚟又夠晒趣緻嚟到新斗記，當然要叫個招牌燒乳豬$148皮脆肉嫩，入口香脆唔油膩，媽咪都大讚好食呢個粟米大魚塊$158係我最愛 粉漿唔會好厚，食落薄薄一層，外脆內軟！配埋佢個招牌粟米汁一齊食，真係可以送兩碗飯！哈哈另外我地仲叫左碟豉汁炒蟶子皇$232，蟶子又大又新鮮，食落爽口得嚟唔會腥，雖然價錢唔平，但一分錢一分貨嘛同親阿媽食飯，都一定會叫菜，今次都唔例外呢個係啫啫唐生菜煲$78，上枱嘅時候，侍應姐姐仲會係我地面前炒兩野，夠晒氣派！最後食埋紅豆沙同生果，成餐飯媽咪都好滿意！仲話下次要叫埋老豆嚟食，今次荷包有難啦

我一家三口今晚去新斗記吃晚飯，環境擠迫，人聲鼎沸，坐下來冷氣下的位，卻沒有點冷氣，叫部長，他說壞了，叫我找另外的桌子，隔離的兩座大聲喝酒，連大家坐旁邊的說話也聽不到。食物一般的水準，桶蠓梅的，蟹飯好多油，服務員沒有禮貌，怎能算是米之蓮食府？！

上星期同家人去咗佐敦新斗記食晚飯，呢到出名即燒乳豬先叫了沙薑雞腳做前菜小食，雞腳軟硬適中食落有少少咬口帶膠口，沙薑味剛好燒乳豬皮薄底下無咩脂肪，食落脆身香口幾鬆化，而乳豬肉幾嫩滑仲帶一點鹹香，肉汁保持得不錯臘味炒芥蘭用咗臘肉、臘腸及潤腸去炒，好香濃惹味帶鹹香，而芥蘭仲好爽身吸哂啲臘味油香真係不得了魚叫了籠仔荷葉麵醬蒸魚雲，魚都幾新鮮嫩滑，麵醬好惹味食落仲有淡淡荷葉香味燒汁牛仔柳好好食喔，牛柳好嫩牛味適中，用上燒汁好夾，連伴炒嘅萵筍都好爽口美味

“紅色的燒豬像是誘惑遊戲，紅色的燒豬性感帶著痛悲， 紅色的燒豬是誘惑原是你”，“願你將這塊鬆脆的乳豬夾俾身邊嗰位，仲要起勢郁你雙筷子肥少少都不計”，無論林海峰定係陳慧琳等明星都以乳豬為流行歌曲，可見乳豬響香港人飲食文化中，都佔幾高嘅地位，就算大家生日，都多左人比乳豬代替蛋糕同朋慶祝，感覺好意頭啲或者搞笑啲，因為我老公唔食得甜嘢，我都同佢講左，今年佢生日唔買蛋糕，就同佢去食乳豬，朋友話新斗記嘅乳豬好正，就一於去試下. 乳豬燒得顏色均勻，火喉控制得宜， 皮香鬆脆可口，皮好夠薄，薄得似透光，瘦肉位味濃而不過鹹，又唔會好油膩，我就點左佢配好嘅海鮮醬，甜甜地，覺得佢地係最佳配搭唔明點解，我好鍾意食皮蛋酸薑呢類老派 小食，而這裏嘅 皮蛋仲係流心的，蛋味濃郁，稍嫌厚身，配埋啲子薑，脆嫩無渣，酸甜適中醒胃，兩者很匹配，整得咁巧手都只係$38咋. 豉椒炒蟶子皇（$248）每次同老公去大排檔，佢都會點豉椒炒蜆，佢生日就食好啲，所以點左蟶子，每隻蟶子都大大隻，好咬口，豉椒汁做得很好，唔太鹹之餘仲好香口 ，三色燈籠椒味，更能帶出蟶子的鮮甜呢！薑蔥美國桶蠔煲$198見到隔離枱點，又好想食蠔煲，有時會覺得隔

之前去過尖沙咀新斗記飲茶，印象唔錯，啲嘢食幾好。今晚親戚飯聚，都係食新斗記，但今次來到新斗記嘅總店，在佐敦。裝修係我出乎意料咁靚喎，旗艦店係唔同啲！ ！連餐具都好有特色。平時除咗去飲，都真係好少自己係出邊食翅，今次算係一個新嘗試。濃湯雞煲翅店員首先係將材料呈上俾我哋睇一睇，又真係幾夠份量，見到啲翅又大塊又厚，令人滿心期待！咁多材料煲幾碗湯出嚟，食落口感好黏，而且真係好香濃，充滿着雞肉嘅鮮味！又可以大大啖翅咁食落口，好爽。而且每一啖翅送入口，都有香濃嘅雞湯伴着，味道好豐厚。新斗記嘅必點之選，就係佢哋個燒乳豬金牌即燒乳豬即燒係唔同啲，啲皮熱熱的上，而且超脆！啲肉又勁嫩，同脆脆的皮一齊食，好香口 ，好正的享受。蒜蓉粉絲蒸蟶子皇好正，啲蒜味蒸晒入去蟶子肉，好香。啫啫田雞煲呢味我好鍾意，啲田雞肉都幾滑，又夠味，仲有好多塊豬膶，幾大煲，好似食極都食唔完咁。魚湯高山菜連個菜都要忍唔住讚一讚佢，啲湯煮得個菜好林，幾入味，所以每條菜都幾鮮甜。總體來講，今晚呢餐飯我哋好滿意，無論食物質素，環境，同埋服務都一流，最正就係價錢都幾公道，完全唔係屬於貴嘅！而且約人食飯都係一個幾好嘅選擇，因為地點都好方便，近佐敦