影片
更多
2017-11-09
1208 浏览
天气凉凉地，食烧肉或火锅就最啱。呢个舖位以前系汉阳苑，估唔到而家都系做返韩烧，全新装修，占据一层，坐位几寛敞!夜晚平日系$188，假日$198，无限时。韩烤少有咁多酱料︰饮品选择都算多，冷热随意，连少见嘅苹果醋都有。有韩国餐厅必有嘅韩式前菜︰有其他餐前小食，咖哩蟹都有。人参鸡汤冇乜参味，稍为咸咗啲!亦有寿司、东风螺、青口、龙虾沙律等等。东风螺鲜甜，我本身又钟意食，食左好多。寿司一般，不过嚟食韩烤，有寿司系Bonus啫~见咁大只龙虾头虾尾摆盘，好有气势，以为系龙虾沙律，原来冇龙虾肉，只系普通杂果沙律，但系几好食，仲有新鲜苹果粒。我最钟意系三文鱼，都好大块，够肥美，一出就好快冇晒，但长期有REFILL，唔错!韩烧食物摆放得井井有条，亦有清楚标示。店员经常清理各食物区，都几干净，唔会见到有咩污渍同残渣。最钟意系虾，大只，虾身晶莹通透，冇黑头。烧完系鲜橙色，虾肉好爽口。咁靓嘅虾，仲要任食，系回本之选。今晚主要都系肉肉肉，食肉兽之夜~鸭胸厚切大大件!鸡翼都好肥大，但冇标示系咩味道，亦食唔出系咩味道，总之烧完仲皮脆肉嫩，正!餐肉颜色同平时食开𠮶啲唔太同，深色啲，食落又一样味。多春鱼 - 朋友怕腥又
夜晚平日系$188，假日$198，无限时。
韩烤少有咁多酱料︰
饮品选择都算多，冷热随意，连少见嘅苹果醋都有。
有韩国餐厅必有嘅韩式前菜︰
有其他餐前小食，咖哩蟹都有。
人参鸡汤冇乜参味，稍为咸咗啲!
亦有寿司、东风螺、青口、龙虾沙律等等。东风螺鲜甜，我本身又钟意食，食左好多。
寿司一般，不过嚟食韩烤，有寿司系Bonus啫~见咁大只龙虾头虾尾摆盘，好有气势，以为系龙虾沙律，原来冇龙虾肉，只系普通杂果沙律，但系几好食，仲有新鲜苹果粒。
我最钟意系三文鱼，都好大块，够肥美，一出就好快冇晒，但长期有REFILL，唔错!
韩烧食物摆放得井井有条，亦有清楚标示。店员经常清理各食物区，都几干净，唔会见到有咩污渍同残渣。
最钟意系虾，大只，虾身晶莹通透，冇黑头。烧完系鲜橙色，虾肉好爽口。咁靓嘅虾，仲要任食，系回本之选。
今晚主要都系肉肉肉，食肉兽之夜~
鸭胸厚切大大件!
鸡翼都好肥大，但冇标示系咩味道，亦食唔出系咩味道，总之烧完仲皮脆肉嫩，正!
餐肉颜色同平时食开𠮶啲唔太同，深色啲，食落又一样味。
多春鱼 - 朋友怕腥又怕多骨，但我自己就好钟意食，可惜我唔系好识烧，搞到易㶶又易散。
芝士肠系我个人推介，皮脆，入面好多芝士，烧完之后一咬就流晒芝士汁，我觉得比出面啲好食㖞。不过小心烫喉，啲芝士汁系好高温。
好耐冇食过维记雪糕，竟然有曲奇味，同哈记差唔多。
一开始见到部棉花糖机有三只色砂糖时心中暗爽，终于有机会自制「棉花糖花」。
不过我技术欠佳，最后整到成条鱿鱼咁，哈哈，我真系太天真。
甜品同水果都有供应，最好食系桂花糕，清香清甜又够浓，细细杯食多几杯都唔怕腻；椰汁西米糕椰汁味香；青提香槟，味道一般；椰汁冻奶味道就淡咗啲。
整体都OK，百几二百蚊任食冇限时，可以慢慢食。抽风好好，烧完个身冇乜油烟味。店员有礼貌，态度好，手脚俐落，临走时几个店员都有同我地讲再见，叫我地下次再嚟!
张贴
