韓家莊韓式燒烤 (已結業)

每次好肚餓的時候總會想起呢間餐廳雖然佢係任食放題但係相比起來質素絕對有保證最推介的必食必食一定係牛仔骨同燒大蝦👍🏻其他食材新鮮，原汁原味除左韓燒之外仲有其他熱食都好好食價錢抵食又好味的選擇

好久沒有韓燒，揀左佐敦呢間位位 $229， 任食兩小時的韓燒。周末peakhour, 尚算人山人海的。質素又如何呢？冷盤有呢D，足十二款，可以自己無限潻加，基本上全部都好味！韓燒凍肉選擇都多，但沒有我最喜愛的燒魷魚，莫非來貨太貴？失望中......調味同肉質都是 ok 的。其他熱食都多，當中最讚係呢隻蜆，肥美又惹味，食左好多轉。飲品種類多，啤酒都有幾款揀，其實上來邊劈邊燒都不錯。咪執輸，飲返幾罐先。壽司同刺身都有，係D飯比較難食，一定冇得同壽司店比較架啦⋯⋯甜品櫃， 款式都ok 啦！不滿意的事情兩件：1. 棉花糖機壞左，冇得玩，好失落。2. 外面拿食物的碗碟部份好污糟，衞生麻麻。

約左家姐，妹妹食韓燒，上網見呢間環境同食物都👌🏼就試呢間，入到去鋪面都算大，座位闊落，食物種類都很多，很不開心，在甜品方面，選擇少，沒有我想食的朱古力甜品，最令我們不滿意就是韓燒的鐵板，燒了一轉食物，食物已經癡晒底，已開到最少火同經常加油，但總是很容易癡底，令到要經常換鐵板，但每次叫服務員換鐵板時，她們的服務態度總是很不願意掛在面上，但當日的枱數只有十張以內，跟本沒那麼忙，但不知為何每次叫服務員換鐵板時，她們的服務態度都很不願意，每次換來的鐵板都是又爛又有裂痕，我都未試過去一間食韓燒的店，鐵板是爛的都可以給客人便用，這間店我們都不會再去食

進餐中發現旁邊空桌面有蟑螂爬行。向服務員示意後很快楚理了。態度很好。但他是隨手拿了抹布把牠拿著。希望他有把抹布一併扔掉。往後服務員再拿消毒溼紙巾把桌子抹亁淨。處理是沒有投訴的了。只是看到蟑螂在桌子上就影響了用餐的心情。點了自助餐。食品的種類是充足的。飲料也是任飲。包括啤酒。絕對可以吃飽。泰式冬陰功也有。水準不錯。前菜也有各國的東西。有魚生壽司，也有印尼蝦片。烤肉方面種類也多。當然不要要求是太有質素的。保證了吃得飽，喝得夠就是。

食物選擇多，質素不俗，還有自制棉花糖😃👍🏻熟食食物質素意想不到的好食，尤其炒粉絲。價錢又公道，真正的性價比。環境又寬闊，擺放食物的區域又乾淨企理，比起其他食放題的地方優勝太多。

午餐時間，行到佐敦地鐵站附近，唔太熟路。亂咁撞入了這間。有午餐食，唔使等位。有不純正廣東話的侍應招呼，雖然我點菜不是太快，但他們也有禮貌回應及等候。座位舒適。背景音樂有少少嘈。自己一個食午餐，叫了鐵板牛仔骨。份量及味道也非常滿意。

絕對最差的韓國燒烤餐廳，食物很難吃，服務很差，態度差。Absolutely worst Korean BBQ restaurant, food was disgusting, service was horrible and they have an attitude when you ask them for assistance.  We bought this as part of a package from Wing On Travel, upon entering the restaurant, they discovered that we got this as part of a package and immediately had an attitude about it.  There's a reason why they had to package this with a travel agency, because there was hardly any customer in the restaurant.The hot food was disgu

好耐无来食韩烧了，今晚特定约左朋友收工一起去食，有一区系专门放沙律，选择都好多款，配料新鲜，颜色鲜艳，，仲有西米露，凉粉，都唔错，一区有寿司，寿司种类有好多，有我最喜欢食地三文鱼寿司，个人可以食返3.4碟，烧野食的肉类，蔬菜类就数不尽了，几乎自己喜欢食的食物都有晒，肉烧到真系好好食，唔需要特别酱料就入口都好够味，岩晒我，哈哈，烧地翠肉瓜超好味。生同熟的食物都选择多多，我会两样都拿一点出来试试，都不错，选择多，可以慢慢尝试，最正就系熟食既选择仲有赖尿虾，超香口，好好味，我一个人自己食左10只，汤又系我会必饮，都好甜，中式汤，够补身，熟食仲有咖喱蟹，都好正，蟹肉足，咖喱味浓，甜品我最喜欢食就系芒果布丁🍮，我一个人可以食5个。味道唔会太甜，适中。饮野方面，自己出去任拿，雪柜有好多好多我喜欢食🍦，仲有浓豆浆，成餐食物种类选择多，价钱又唔贵，座位又宽敞。位置都方便。近地铁站。非常喜欢。

在openrice上見到佐敦韓家莊韓式燒烤，9時後$178元，再加一， 非常抵食， 於是預早訂了位。.韓家莊的座位以卡位的形式設計，裝修清雅別致，令人覺得非常舒服。食物十分多種類及款式。醒胃小菜，有芽菜，辣泡菜，泰式鳳爪，白菜仔，等等。泰式鳳爪及泡菜，鳳爪不是十分入味，不過夠爽口，泡菜酸酸辣辣，我喜歡。熟食有炸薯餅，及煎餅，及多款炸物。炒蜆，東風螺，咖哩蝦，炒飯，炸雞翼，炸薯餅，炒粉絲，還有我最最喜歡的豬腳薑醋。燒烤方面，主菜有牛肉，牛仔骨，羊肉，肥牛，多春魚，魷魚，鴨胸，海鮮及菇類。我最喜歡牛仔骨，牛仔骨十分有牛肉味及入味。還有羊肉，帯有羊肉特有的少少騷味，我喜歡羊肉夠滋補。先生好喜歡燒斑腩片，他說斑片夠魚味。壽司及甜品，還有十多款飲品任飲。真是眼花繚亂，種類繁多。

今日晏晝食飯本來只係想搵一間地方坐得舒服嘅餐廳，比我搵吓搵吓搵到呢一間韓式餐廳。價錢唔算貴都係40幾蚊＋1， 50幾蚊一個人到。我梗係叫咗一個我最鍾意嘅牛仔骨飯食啦。心諗呢一個價錢質素同份量應該都唔會好得去邊，只係自在有一個舒服嘅地方食下飯，點知竟然有前菜兩碟！都煮個牛仔骨出場，用鐵板上而且份量好多仲好好味添。最緊要係飯後竟然仲有甜品送，真係超值

同朋友趁新年前聚一聚，因為同行都係男仔比較多，所以就決定搵任食餐廳，先可以確保大家都食得飽，最後揀左呢間佐敦的韓家莊韓式燒烤，一黎地點方便大家，二黎價錢唔算好貴，三黎自己可以揀自己要食咩，成班人聚餐黎講最簡單。上到去環境唔錯，並唔會因為係食韓燒而成間店都有煙霧，而且唔會好大陣味，地方企理乾淨，睇落都好整齊。食物部份以自取形式供應，可以自己到出面食物區拎，生肉方面有：雞肉、雞翼、牛肉、豬肉、魚肉、蝦、金菇肥牛、魷魚、雞腎、多春魚……熟食方面有：泡菜、炒飯、刺身、壽司、青瓜、沙律、豆腐花、白菜、芽菜……種類都算好多，全部味道都唔錯，肉類唔會唔新鮮，個人覺得最好味係雞翼同魚肉，唔會醃得太鹹，魚肉又唔會「霉」，而熟食都啱口味，泡菜同芽菜都食左好多轉，可以中和食得太多肉的飽濟感。最重要係出面的食物區每次Refill都好快手，今轉行出去見到得返少少，下轉再出去就已經加滿，所以整體黎講所有野都唔錯，可以一試。

今次來到佐敦食韓燒放題，是日星期六晚價錢是$188＋$10再加一$218一位。同場仲有其他幾間中式食肆。韓家莊位於大廈5樓全層，餐廳面積很大很闊落，唔會有油煙味。呢度連最細的二人枱都好大張，攞到成枱野都唔擔心冇位放，坐得舒服。巡巡食物枱，有點被食物種類的多樣性嚇倒，由沙律、刺身、壽司、炸物、小炒、湯水、甜品、至綿花糖機都有，當然不少得多種不同的燒烤食材，呢間餐廳真的是老少咸宜。沙律吧。熟食區。連豆腐花都有。韓國餐廳梗唔少得泡菜啦。燒烤材料不乏選擇。飲品類。雪糕及甜品。小朋友見到會有心心眼既自製綿花糖機。調味料是自助形式隨自己喜好配搭。餐紙上有個型仔Oppa 介紹如何搭配醬料同燒肉一齊食。呢度既爐火氣幾大，食物好快就燒熟，爐面都幾容易有黑焦，所以一定要定時自己加點油，唔好處就係眼都睇得見食左好多油落肚！總括來說，感覺這裡是一間很有誠意的餐廳，環境闊落，食物種類非常多，但食物偏油，有改善空間。

今日同朋友食韓燒見呢間韓燒無喊樣，地點又好方便，所以去試試其實一向比較少食韓燒，因為怕油煙味又驚樣樣食物撈埋一齊交叉感染，但呢一間極之乾淨整齊，又多配料選擇，唯一美中不足係午市無任飲～

熊妹近排得閒少少，有啲時間煲下韓劇，加上天氣凍凍，徘徊係13，14度，即刻女主角上身同oppa撐枱腳食韓燒，包個生菜包，正。沿著彌敦道行到佐敦，枱頭望望，見到呢間韓家莊招牌大大隻寫著韓燒，價錢又幾吸引，就揀佢喇。等到熊大放工過黎岩岩好9點，可以食佢個特別場的價錢。人都幾多下，幾乎全場爆滿。食物方面都幾多款式選擇，醃好的燒肉有十幾款，花多眼亂，仲有自助沙律吧，自製棉花糖機，好多熟食:炒飯，炒粉絲，炒時蔬，泡菜餅，炸春卷，炸薯餅，炆牛展等等等等。。。多到不能盡錄; 另外有好多款韓式前菜，中式例湯，人參雞湯，最後不少得的甜品，凍的有涼粉，椰汁西米露，熱的有蕃薯糖水，芝麻糊，雪糕有4款口味: 雲呢拿，士多啤梨，芝麻同曲奇，飲品有3部凍櫃，主要都係汽水，烏龍茶，韓國飲品等。 晚巿5點半開始$188加一，9點後 $168加一，7點前離座或10點後入場有8折。 熊妹認為韓燒放題食物黎講間間都差唔多，價錢黎講呢間係幾抵食。自助沙律吧，壽司，三文魚刺身，大蝦千島醬，粟米，三文魚，什果沙律， 熊大熊妹至愛好多前菜，全部食哂

我哋6人，訂晚上 7：30 ，任食2小時每位 $198 加1 ...朋友早到可以給她們先進去坐住等，但未開爐計時，等到齊就開爐。自助餐區有好多款式食物，飲品都有多款，甜品有幾款例如：椰汁榚，大菜榚，竟然有棉花糖，還有三文魚，壽司，炸春卷，炸雞翼，韓式煎餅，炒粉絲，炒蟹等等。燒烤的肉類也很多品種，醃料味道不會太咸，味道ok .原先是任食2小時，但話如果唔多客可以坐耐一些，今晚我哋坐到11點才走，價錢合理味道ok, 如平日晚上不多客更可以坐耐些，太好了。