影片
更多
2018-08-31
97 浏览
又放工约姊妹喺荃湾食饭，咁耐冇见一定要揾间好情调既好好倾下计。哩间西班牙餐厅第一次食，环境非常适合谈心，舖面虽然唔大，但都有好足够既空间感，唔会话想摆多几枱而夹硬迫埋d枱。我地今日公司都忙到晕呀，比较晏先食lunch所以只点左个沙律同猪扒share烟三文鱼沙律真系要赞虽然入面有我好唔钟意既红萝卜(定甘笋？)，但我竟然食晒！因为佢系有稍微煮过既，冇左d草青味，而且系少少淋身，好易入口。再加上有香草香既蛋黄酱，酱汁份量适中，酱如果太多会好腻，太少又会觉得干，哩个啱啱好，每一啖都好满足。三文鱼富油香，入口软滑。唯一美中不足既系上面既溏心蛋只系流左好少心，如果煮既时间稍为再短返少少就完美喇。而更估唔到既系猪扒都好惊喜㖞，我本人就系牛魔黎既，朋友就系猪魔(咁讲会唔会唔系咁好，哈)所以我系比较少食猪，哩个我食第一啖就停唔到口喇。猪扒应系用半煎半炸既，个面非常香，有一点微微既焦脆，面头有dd海盐，再配埋香浓既香草酱(当然同沙律果种香草唔同，但我只识食唔识分，哈)层次非常丰富。中段再食埋猪扒配搭的焗苹果清新一下食物份量唔算话特别多，但因每样调味都好丰富，所以哩一餐非常满足
哩间西班牙餐厅第一次食，
环境非常适合谈心，舖面虽然唔大，
但都有好足够既空间感，唔会话想摆多几枱而夹硬迫埋d枱。
我地今日公司都忙到晕呀，比较晏先食lunch
所以只点左个沙律同猪扒share
烟三文鱼沙律真系要赞
虽然入面有我好唔钟意既红萝卜(定甘笋？)，但我竟然食晒！
因为佢系有稍微煮过既，冇左d草青味，而且系少少淋身，好易入口。
再加上有香草香既蛋黄酱，酱汁份量适中，酱如果太多会好腻，太少又会觉得干，哩个啱啱好，每一啖都好满足。
三文鱼富油香，入口软滑。
唯一美中不足既系上面既溏心蛋只系流左好少心，如果煮既时间稍为再短返少少就完美喇。
而更估唔到既系猪扒都好惊喜㖞，
我本人就系牛魔黎既，朋友就系猪魔(咁讲会唔会唔系咁好，哈)
所以我系比较少食猪，哩个我食第一啖就停唔到口喇。
猪扒应系用半煎半炸既，个面非常香，有一点微微既焦脆，
面头有dd海盐，
再配埋香浓既香草酱(当然同沙律果种香草唔同，但我只识食唔识分，哈)
层次非常丰富。
中段再食埋猪扒配搭的焗苹果清新一下
食物份量唔算话特别多，但因每样调味都好丰富，所以哩一餐非常满足
张贴
