意歐

营业中

休息中

同女友出黎行街，趁未到6点，铺头仲可以堂食𠮶阵，就喺女人街揾野食。见到呢间有tea set，又想食下焗薯，就入黎食。坐底左，睇左阵餐牌，叫左个牛肉焗薯，加两只蜜糖鸡翼，再叫多个芝士磨菇薄饼，另外加钱要个忌廉芝士薯饼，加埋张单先110蚊，唔算贵。牛肉焗薯唔错，份量几多，不过唔系和牛，只系普通牛肉，唔好比名称误导。加埋蜜糖鸡翼一齐上，鸡翼系淋左啲蜜糖上去，食完鸡翼啲蜜糖仲可以点埋啲牛肉黎食，味道仲正芝士薯饼入面好多芝士，又热又脆，我觉得掂薄饼细细份，饼底似pizza hat既厚批，口感很好，芝士落得几多，食落香口。茶餐价钱，食到好似lunch咁食完有上黎睇过其他人评论，发现都几多人负评，但系我地食又唔觉咁差，食物我觉得合格有余，而且服务都叫有，问佢要杯水，都好快比到我地。可能佢地见到比人话完，改善左啲挂，整体黎讲都几满意。