意歐

营业中

休息中

今次要介紹呢一間餐廳🍴，係一間唔錯嘅西式餐廳。佢個名叫做《意歐》，因為價錢比一般西餐廳平，所以我今日就朋友去咗食啦。佢位於旺角嗰邊，今次去試吓佢哋嘅午餐，一入到去，位置還可以，環境好有歐陸嘅意境，所以我哋就嗌咗佢哋嘅午市套餐同一個焗薯套餐。我哋分別嗌咗唔同嘅嘢食，去試吓！鐵板牛仔柳配蛋碎焗薯 - 牛仔柳大件搭抵食，嗰個薯熱辣辣 意式芝士雞扒配意粉🍝 - 佢個份量好大份，雞扒再配合埋啲芝士，真係絕配羅宋湯同忌廉湯加香草牛油多士 - 湯又夠熱，牛油多士熱辣辣玫瑰花蜜同檸檬蜜 - 兩個都好甜，甜入你心

今日上晝做完嘢出到嚟旺角搵嘢食，想食啲經濟實惠啲嘅嘢，就比我喺女人街搵到佢。聽其他街坊講呢度除咗焗薯，雜扒都係出名嘅，不過我一心想食薯仔就叫咗雞肉沙律焗薯。除咗焗薯之外仲可以跟一份小食，我就揀咗炸魚柳，多啲肉，好似抵食啲，哈哈。佢仲有另外送一杯熱飲。我諗佢都係即叫即做，店入面都係得一個員工所以都要等一陣先有得食。個焗薯上到嚟有少少同我預想唔一樣，因為佢話雞肉沙律，我就以為係雞絲加菜啦，點知係沙律醬雞粒！呢樣係有驚喜嘅，因為我係食肉獸所以食得好開心，不過真係想食菜嘅話可能要留意吓啦。雞肉嘅份量都幾多，可以每一啖薯仔都配到雞肉食，所以我都無額外落胡椒鹽。薯仔個軟硬程度啱啱好，唔怕太淋都唔會硬到一塊塊食唔到。炸魚柳就普通嘢，勝在都好大塊吓，同埋有跟埋千島醬比你點嚟食，唔怕太DRY。咁樣一個餐五十蚊唔洗，如果掛住西方嘢食唔想食飯嘅人又有一個平價午餐選擇啦～

旺角細街平價西餐～大件夾抵食嘅叫咗2個餐～餐包括主食、湯、熱飲品～蕃茄焗豬扒意粉跟紅湯～羅宋湯夠酸又多料幾好味～跟湯有一塊蒜蓉包～薄切暖暖地唔會乾～蕃茄粒大大舊～意粉份量適中～豬扒幾淋多汁～鐵盤上幾吸引～熱咖啡同奶茶正常味～白忌廉粟米湯幾creamy~有洋蔥粒、火腿粒、粟米湯不過比較咸～襯熱飲唔係一塊塊蒜汁什扒～有：珍寶腸、豬扒、雞扒、炸蝦天婦蘿～扒都煎得幾香唔會乾～味道可以樣樣有D都幾豐富 如果唔介意衞生麻麻～枱櫈好油～快餐係可以嘅

10點幾睇完戲見佢未閂，價錢又唔太貴，所以去咗食，點知中大伏……… 啲嘢食勁咸，嗌咗個鰻魚飯，條魚有少少腥味，啲汁勁咸，食咗一半就停咗手。塊西冷係茶餐廳質素，又薄又多筋……..鹽燒鯖魚係硬掘掘，啲肉又散，又梅…… 茄子薯蓉啲薯蓉有勁大浸臭草青味…….最過份係漢堡問咗佢漢堡入面有冇洋蔥先嗌，佢話冇，點知一上菜就勁大浸洋蔥味，仲明顯見到洋蔥粒釀咗喺漢堡入面誠信破產結論就係性價比極低！！價錢平但係質素差！！

旺角意歐西餐廳🥂😋今次品嚐了酸忌廉焗薯配意粉和忌廉湯配蒜蓉多士。這是一次非常美味的用餐體驗。😁酸忌廉焗薯配意粉給我留下了深刻的印象😋濃郁的酸忌廉醬汁和口感豐富的意粉。薯蓉美味可口，搭配上濃郁的酸忌廉醬汁，帶來了一種濃郁的奶油味道，十分美味。意粉的質地剛好，與薯蓉完美融合，給整道菜增添了豐富的口感🥔忌廉湯配蒜蓉🧄多士都10分好味，這碗忌廉湯色澤濃郁，口感濃稠，帶有淡淡的奶油味道，非常可口。蒜蓉多士則是一個絕佳的搭配。多士外酥內軟，帶有蒜蓉的香氣，將多士浸入湯中，更能充分吸收湯的味道，帶來滿滿的滿足感😍😍

搵位度：🌟🌟🌟🌟🌟抵食度：🌟🌟🌟🌟🌟好食度：🌟🌟🌟🌟講真啦，唔計個環境衛生同埋服務評分真係唔錯。我幾十蚊咁鬼大隻豬手仲要配焗薯仲有餐湯仲有嘢飲，叫牛扒仲要鐵板上，我真係覺得太抵。食物質素仲要唔算有好大嘅表面傷痕，對得住啲低價位西餐。服務方面，一個疑似係老闆嘅人一腳踢做晒樓面水吧清潔收銀。衛生方面嘅張枱黏黏笠笠，啲梳化溶溶爛爛，成班麻甩佬去都頂唔順啦，唔好話啲姐姐仔。所以sorry雖然啲嘢好食又抵食，但我本人真係冇encore。

學生時期拍拖，錢唔多但又想食得得體恩物🥹🔹芝士牛柳拌蛋碎焗薯🔹 $95第一次享用嘅時候，俾牛柳嘅厚度同肉味驚艷到😳 呢個質素同份量係比幾廿蚊可以用到的嗎❓咁大舊要煎得熟，外層難免會有啲焦黑，但絕對冇發苦乾柴嘅問題嗌5成熟真係上5成 (呢點喺街坊西餐廳好難得)，顏色粉嫩 輕壓已有汁水溢出，入口肉質軟稔肉 加上厚切肉感滿滿🈵但第二次食質素就下降咗，肉味冇咁濃郁，食物品控有進步空間焗薯都不全然係配角，蛋沙津醬多多配以軟硬度剛好嘅薯肉，更加creamy又唔過漏 讚讚👍🏻喺旺角通菜街云云食肆中生存屹立到咁耐，相信大份夾扺食就係佢嘅生存技倆希望你長做長有，造福小編呢啲小窮鬼都有資格Happy Friday

晚餐時間去食，等成半個鐘主菜都未到，要問先有，仲要問完都等多5分鐘，之後叫飲品又成兩個字都無又係要問先有，叫咗軟殼蟹意粉，咸到死，根本就無試過味蝦意大利飯，隻蝦霉哂，D飯勁難食一pat嘢咁。仲有，普通一杯凍檸檬茶都苦到死。。。再嚟！衛生又差，裝多士嘅兜仲有好多不知名嘅粉個底度

約了姐妹👩🏻‍💼在意歐短聚聊天，還有新認識的朋友👩🏻見面，🚶🏻‍♀️找這間店時找了一會兒，不過店面算是很易認👍🏻。👣4:30pm左右入店，店內歐陸氣氛濃厚🤳，👠少少懷舊氣息，還有牆上的梵高畫🖼，8、90年👖代款式的吊燈風扇，🎼播著英文歌，很適合打卡🤳。我們分別點了兩次單✌🏻，因為有新認識的朋友😺後來。剛剛入店時，只有另一桌的客人👥，我們可以任意聊天🗣，👀後來朋友到來，不知是不是時段開始進入晚餐🍽階段，便開始滿座👫。聊天話題輕鬆愉快，渡過了一個美滿黃昏。👒夏威夷Pizza 6吋 $35 // 有🍍菠蘿和芝士🧀配搭不錯，美味，是餐廳推界款芝士蘑菇🍄Pizza 6吋 $35 // 兩款Pizza都有芝士拉絲🍕效果，棒棒的🍫朱古力雪糕🍦窩夫 $35 // 窩夫夠熱夠脆，配上雪糕味道不錯喔🦀蟹籽蟹柳絲沙律焗薯🥔 配素吉列豬扒 $51// 此頁餐牌主打素食✍️，蟹籽蟹柳沙津味道不錯，作為餐廳其中一種主推食物👍🏻，覺得薯可再林一些，而且吃的時候有少少薯仔皮味，素豬扒味道像魚🐟，有驚喜，好吃（焗薯餐配送）🌹玫瑰花蜜 凍飲 +$2 // 甜甜的挺美味，原顆的玫塊加到飲品裡，友人覺得偏甜，我覺得是剛剛好的甜度

這是隱藏在旺角鬧市的小店🏡開業多年價格仍然佛心❤️下午茶套餐是最划算的ฅ(ỏ∀ỏ)ฅ今天選了咖喱吉列豬扒拼煙肉蛋沙律焗薯($50)一般的午市焗薯沒有這樣拼重點是套餐還包括了餐湯可以選羅宋湯/忌廉湯另外再送熱餐飲～我是偏愛紅湯的，你們呢？咖喱吉列豬扒是現炸的，超級大塊🤤🤤🤤咖喱是日本風味的咖喱🍛真的是很搭的組合吉列皮的炸粉層很薄☺️酥酥脆脆豬扒肉挺踏實的，沒有醃過頭原片切好上菜吃起來超方便焗薯是美國薯仔大概一個手掌大口感肉肉的薯仔味濃煙肉蛋沙律用的是蛋黃醬奶香奶香的很大的一坨疊上焗薯上一冷一熱真好吃餐廳是非常平民的☺️衛生跟一般茶餐廳差不多樓面只有闆娘一個人在顧鐵板上菜的話會等得較久大家要多點耐性喔😉-🍝 意歐 🏡地址: 旺角通菜街6號地舖☎️電話: 2668 6722🕙營業時間: 12:00-00:00 (Mon-Sun)———————————————🌿以上圖文由Bobowannaeat版權所有，轉發需授權喔🌿鍾意我的分享請 ᴄᴏᴍᴍᴇɴᴛ, ʟɪᴋᴇ, ꜱʜᴀʀᴇ & ꜱᴀᴠᴇ ❤️🌟繼續關注我的貼文請𝙁𝙤𝙡𝙡𝙤𝙬 @bobowannaeat (ㆁωㆁ*)

見到下午茶3-40蚊有主食,餐湯,多士同飲品，旺角黎講都真係幾抵食，雖然見到openrice有唔少負評，但親身食又覺得唔差喎🫣我叫左忌廉湯，質地好杰身，有幾粒粟米之外冇其他配料。香草牛油多士好硬好脆，如果牛油可以再多少少就好，將佢浸落忌廉湯度淋少少先咬會好食啲主食嗌左吉列豬扒拼牛柳粒大碗飯，飯用珍珠米， 吉列豬扒啱啱炸起個皮好薄好脆，唔會甩出黎，配埋燒汁都幾好食， 牛柳粒咬落淋身唔韌，有少少調味，呢個價錢真係好抵食🫶🏻整體黎講，除左環境暗少少同餐牌有用耐左嘅油膩感之外，呢個價錢同味道可以講係幾好，老闆娘都好有禮貌~

今日去旺角食午餐。見到40幾 50幾就食到西餐。價錢便宜抵食就去試試。我叫左三文魚薯蓉。但完全無諗過三文魚係煎左。同我預期的不一樣。味道都是一般般。下面薯蓉味道都是一般般。

晚上10點喺旺角見到依間為數不多仲開緊嘅餐廳，入咗去試。$60 1個餐竟然有$100+嘅水準，啲人服務又好，嗌咗啲嘢食差唔多10分鐘就送到。難得搵到一間有品質嘅小店，將來一定會繼續支持。

平安夜泥食，都明白大時大節可能係人多 人手唔夠 會需要等待長啲既時間。但講梗我已經係9點入座，場內都係得番3成人。都可以又慢又漏單，食一樣就吹下一樣上菜。夠膽死叫個二人餐，食到最尾心太軟都食埋，個小食拼盤都唔泥😂野食係好食，但係等咁耐同埋啲職員既態度真係麻麻。有個肥仔店員，成晚好似發夢咁，落單態度唔好 唉聲嘆氣仲搶我本menu 泥睇住食野...都算，仲要坐左陣，第二位再泥叫我落多次單，話頭先無落到😑明明睇住個肥仔寫左野，都唔知落左去邊到。

下午茶時段搵食，見到依間都幾多選擇！就決定入去試一試，menu 太多選擇，又有選擇困難症，最後決定試一試磨菇牛柳意粉依個set ，仲要包餐湯，一塊多士+ 一杯餐飲Tea set $40 真係抵到爛！ 首先上忌廉湯+香草多士，檸檬水忌廉湯正常，配香草多士食，依個配搭唔錯香草多士係脆既，檸檬水好正常，合格 北最後磨菇牛柳意粉，意粉淋左少少，可能煮耐左，牛柳有3大塊，而且有牛肉味，因配上磨菇汁令牛柳更加香口，有咬口，以$40 價錢黎計，真係物超所值！