天悅海鮮酒家 (已結業)

天悦价钱十年如一日，食咁多次都无加价既！夜晚谂唔到食乜，又去左食天悦啦～我地去左美乐𠴱间，搭轻铁都系搭到美乐就可以了。再一次叫蕃茄薯仔汤底，点解？佢个汤底坚系有蕃茄味架，而且如果无味既话可以再散叫d蕃茄薯仔煲返佢，简直系无限loop呀！好啦 坐低梗系叫左配料先啦！吸收左上次教训，今次老公一枝箭出去攞左鱼皮饺同云吞先，云吞好多馅，爆馅，虾肉好大只！鲩鱼片厚厚地，要煮耐d先食，如果唔系会冻呀！海虾Size中等，虾肉唔觉有雪藏味，尚算滑。讲讲佢d午餐肉，其实午餐肉打边炉真系几正，但佢d午餐肉，唔知叫有心思定点？煎过的，仲过左火位，因为好㶶，阵闻唔系咁好闻。肥牛唔好期望咁多，因为肥肉好多，叫一碟就好了，鸡件反而要赞下！超大件呀，仲要唔系得骨，肉都大大件，熟左之后鸡肉系嫩滑架，是不错的选择！