L'attitude (已結業)

记得3个月前左右食过L attitude系尖沙咀店既甜品，一直都觉得呢间野味道唔错。点知道佢竟然系我屋企楼下开左分店，当然要去Encore下啦。同尖沙咀食个时唔同，食物款式多左好多，比左佢！呀妈好钟意呢度好多公仔，影左劲多相又真系几得意既先黎左两款生蚝，同呀哥一人两只。两款生蚝食落都好新鲜，虽然金属味唔重，但系鲜味十足。妈妈唔钟意食蚝，所以点左呢款海胆蟹肉牛油梨芒果他他比妈妈。大大片既加拿大海胆，配以香气十足的牛油果已经好好味架啦，加埋少少黑松露的味道，味道更强烈。虽然系咁，但系细尝之下重食到蟹肉的味道，唔错。Pizza系我同哥哥之爱的食物之一。超薄的饼底十足之脆口，上面有好多海鲜料，我再将表面的Lemon汁加入pizza上面，令到食起上黎有少少似taco。Pizza材料好足，而且饼底够薄，可以一整口品尝唔同的味道。味道系好食的，推介大大只的软壳蟹，系咪好吸引呢？炸得好香脆，入面有好多蟹肉的肉汁，唔错~意粉加左明太子，所以味道比较浓，爱食明太子的人必试~家下好多地方兴食蟹盖甲罗烧，估唔到呢度都有蟹膏饭食！正~海胆丶煎带子同埋蟹膏加埋一齐，真系每一口都咁鲜味呀！蟹膂拌饭简直就系豪华盛宴。